| e-texts navigator |
| Wylie |
65a1 འདུས་པའི་སྙིང་པོ་ཉོན།། དོན་གྱི་བརྡ་ཡིས་གདམས་ངག་གིས།། ཡེ་ཤེས་རིག་པ་ཁོང་ནས་ཤར།། དེ་ཙམ་ཉིད་ན་སྐྱེ་འགག་མེད།། ད་ལྟ་ཉིད་ན་མངོན་གྱུར་རྟོགས།། ལུས་ཀྱི་བརྡའ་ཡིས་སྤྲུལ་པ
65a2 འགྱེད།། སྟོང་གསུམ་མ་ལུས་ཐམས་ཅད་ཀུན།། སྤྲུལ་པ་གྲངས་མེད་ཀུན་ཏུ་ཁྱབ།། ལྔ་བཅུ་རྩ་བདུན་བརྡའ་ཡིས་ནི།། སྐྱོན་གྱིས་མ་གོས་འགྲོ་དོན་འགྲུབ།། དེ་ཡང་འདུས་པའི་སྙིང་པོ་ཉོན།། རྟགས་ཀྱི་བརྡ་ཡིས
65a3 བསྟན་པའི་ཕྱིར།། སྐུ་མདོག་ཕྱག་མཚན་སྣ་ཚོགས་ལ།། གང་འདུལ་ཕྲིན་ལས་རྫོགས་མཛད་པ།། བྱིན་རླབས་སངས་རྒྱས་དངོས་གྲུབ་ཐོབ།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཚིག
65a4 དང་བརྡའ་བསྟན་པའི་ལེའུ་སྟེ་དྲུག་པའོ།། ། དེ་ནས་རྡོ་རྗེ་སེམས་དཔའ་ཡིས།། ཡེ་ཤེས་མངོན་དུ་རྟོགས་བྱའི་ཕྱིར།། ཀུན་རིག་ཆོས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད
65a5 གསོལ།། ཆོས་རྣམས་ཀུན་གྱི་རྩ་བ་ཡི།། གཞི་གསུམ་འབྲེལ་པ་ཡོད་དམ་མེད།། ཀུན་གཞི་སེམས་ཀྱི་མུན་གསེབ་ནས།། ཆོས་སྐུ་ངོས་ནི་ཇི་ལྟར་བཟུང་།། ད་ལྟའི་ལུས་དང་མ་བྲལ་བར།། གཟུགས་སྐུ་མི་འབྱུང་གང
65a6 གིས་བསྒྲིབས།། མཉམ་པའི་རྒྱལ་པོས་བཤད་དུ་གསོལ།། དེ་སྐད་གསུངས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། དེ་དོན་རྩ་བ་མདོར་བསྡུ་ན།། གཞི་གསུམ་མ་ནོར་ངེས་པ་ཡིས།། འབྲེལ་པ
iiif viewer powered by OpenSeadragon
