| e-texts navigator |
| Wylie |
64b1 མོས་གུས་བྱེད།། དེ་ཕྱིར་ཀུན་བཟང་དེ་ཆེད་དུ།། མཉམ་བཞག་དགོངས་པ་ཐུགས་བརྟན་པས།། ཐེ་ཚོམ་མེད་པར་ཆོས་ཉིད་རྟོགས།། དེ་ཕྱིར་ཡེ་ཤེས་རྒྱུད་དག་པའི།། རྡོ་རྗེ་སེམས་དཔས་མངོན་གྱུར་གོ།། ཚིག་ཏུ་མ
64b2 བསྟན་དོན་དུ་ཤར།། དེ་ཡང་འདུས་པའི་སྙིང་པོ་ཉོན།། དེ་ཕྱིར་བྱིན་གྱི་བརླབས་ལུགས་ནི།། ཀུན་བཟང་ཐུགས་ཀྱི་ངེས་དོན་དེ།། ཆོས་དྲུག་མིང་དང་དོན་དཔེ་གཉིས།། དྲུག་གསུམ་གཅིག་ཕྱིར་རིམ་གྱིས་ཀྱང་།། གང
64b3 ལ་མ་བརྟེན་ཡིད་ཀྱིས་ནི།། ལྷག་མཐོང་ཆོས་སྐུ་དེ་ལྟར་ཤེས།། དེ་ཕྱིར་དགོངས་པས་བརྒྱུད་པའི་ཕྱིར།། རྟོགས་པ་མངོན་གྱུར་སངས་རྒྱས་པའི།། ཕྱིས་མི་ལེན་པའི་རིག་པས་གོ། ཉིད་ལས་མི་གཞན་སངས་རྒྱས
64b4 འབྱུང་།། དེ་ཕྱིར་བྱིན་གྱིས་བརླབས་ཞེས་བྱ།། དེ་ཡང་འདུས་པའི་སྙིང་པོ་ཉོན།། སྟོན་པ་ཀུན་བཟང་བྱིན་རླབས་ཀྱིས།། སྐུ་གསུང་ཐུགས་ཀྱི་སྤྲུལ་པ་གསུམ།། གཟའ་སྐར་རྒྱ་མཚོ་ཇི་བཞིན་དུ།། ངེས་དོན་ཉིད་ཀྱི་རྩལ
64b5 དུ་བྱུང་།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། རྡོ་རྗེ་སེམས་དཔས་བྱིན་གྱིས་བརླབས་བཤད་པའི་ལེའུ་སྟེ་ལྔ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན
64b6 པས་བཀའ་སྩལ་པ།། སྦྲུལ་སྐུའི་བརྡའ་ཡིས་བསྟན་པ་ཡང་།། ཚིག་གི་བརྡ་ཡི་སྒྲོན་མེ་ཡིས།། མ་རིག་མུན་པ་བསལ་བའི་ཕྱིར།། ལུང་དང་ལྡན་པའི་གདམས་ངག་གིས།། བསྟན་པ་རྣ་བའི་རྒྱུད་ཅེས་བྱ།། དེ་ཡང
iiif viewer powered by OpenSeadragon
