| e-texts navigator |
| Wylie |
64a1 རླུང་གང་ཡང་མེད།། སྲིད་པ་མ་ཆགས་སྟོང་པ་ཉིད།། དེ་ཚེ་རང་བཞིན་ལུས་དེ་ནི།། ཡེ་ནས་ཡོད་པའི་ཆོས་ཉིད་དེ།། དོན་དེ་མ་འཁྲུལ་རིག་པ་ཡིས།། ད་ལྟ་མ་འཁྲུལ་ངེས་བསྟན་ཕྱིར།། གཞི་དང་རིག
64a2 པ་གཅིག་ཏུ་ཤེས།། རྟོགས་དང་སངས་རྒྱས་དུས་མཉམ་བྱུང་།། ནམ་ལངས་ཉི་མ་ཤར་དུས་མཉམ།། རི་བོ་ཏ་ལའི་དཔེ་བཞིན་དུ།། འཁོར་འདས་ཐོག་མཐའ་དུས་གཅིག་ཆོད།། དེ་ཡང་རྡོ་རྗེ་སེམས་དཔའ
64a3 ཉོན།། ཀུན་བཟང་རྒྱལ་བའི་རྟོགས་པ་དེ།། རང་བྱུང་ངོ་བོ་ཉིད་ཀྱི་སྐུ།། རྒྱུ་རྐྱེན་མ་བྱས་འདུས་མ་བྱས།། ཀུན་ལ་ཁྱབ་པས་ཆོས་ཀྱི་སྐུ།། རང་གི་རིག་པ་ཡེ་ཤེས་ཐུགས།། དེ་ཉིད་ཡིན་པར་ངོ་ཤེས་པས།། ལྷག་མཐོང
64a4 ཡེ་ཤེས་རང་ཤར་ཕྱིར།། ཡོད་མེད་གཉིས་ཀྱི་སྒོ་སྐུར་བྲལ།། དུས་གསུམ་མི་འགྱུར་བརྟན་ངེས་པར།། ཐིག་ལེ་ཉག་གཅིག་ཆོས་ཀྱི་སྐུ།། དེ་ལས་སངས་རྒྱས་ཆོས་རྣམས་བྱུང་།། དེ་ཕྱིར་ཀུན་ཏུ་བཟང་པོ་བྱ།། རྫོགས
64a5 པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། ཀུན་ཏུ་བཟང་པོའི་རྟོགས་པ་བསྟན་པའི་ལེའུ་སྟེ་བཞི་པའོ།། །། དེ་ནས་ཀུན་རིག་སྟོན་པ་ཡིས།། འོག་མིན་ཆོས་དབྱིངས་གནས་དེ་རུ།། ཇི
64a6 བཞིན་རྡོ་རྗེ་སེམས་དཔའ་ཡིས།། མ་འཁྲུལ་རིག་པ་གསལ་བ་ནི།། རང་ལ་ཡེ་ནས་ཡོད་མིན་ཡང་།། གཞི་ནི་མི་འགྱུར་ངེས་པ་ནི།། འདི་ཉིད་ཁོ་ན་ཡིན་ནམ་མིན།། ཡིད་ལ་ཐེ་ཚོམ་ཆ་ཕྲ་ཡོད།། དེ་རྟོགས་གསལ་ཕྱིར
iiif viewer powered by OpenSeadragon
