| e-texts navigator |
| Wylie |
63b1 ནས།། འདུས་པའི་འཁོར་ལ་ངེས་པའི་དོན།། མ་ནོར་ངེས་པའི་སངས་རྒྱས་བཀའ།། ང་ཡིས་བཤད་ཀྱིས་ངེས་པར་ཉོན།། རང་བཞིན་གཞི་ཡི་མཚོན་དཔེ་ནི།། འདུས་མ་བྱས་ཀྱི་ནམ་མཁའ་ནི།། གང་ནས་མ་འོང་ཡེ
63b2 ནས་ཡོད།། གང་ཡང་མི་འགྲོ་དུས་གསུམ་གཅིག། དེ་ལྟར་ཀུན་ཁྱབ་ངོས་གཟུང་མེད།། ཐོག་མཐའ་མེད་པའི་ནམ་མཁའ་འདྲ།། རིག་མེད་སྟོང་པ་ཡིན་པའི་ཕྱིར།། དཔེ་རུ་ཟབ་སྟེ་དོན་དུ་མེད།། དེ་ཡང་རྡོ་རྗེ་སེམས
63b3 དཔའ་ཉོན།། དེ་བཞིན་ངོ་བོའི་གནས་ལུགས་ནི།། འཁོར་འདས་མ་རིག་རང་བཞིན་ལུས།། སངས་རྒྱས་སེམས་ཅན་གཉིས་མེད་པའི།། འཁོར་འདས་གཉིས་ཀྱི་གཞིར་གྱུར་པ།། མ་ཡེངས་པར་ནི་ཡོད་གྱུར
63b4 ཀྱང་།། དོན་གྱིས་མ་ཟིན་རང་སྣང་བ།། ངོས་མ་ཟིན་ཅིང་ཤན་མ་ཕྱེད།། འགྲོ་འོང་མེད་པར་རྒྱུན་དུ་གནས།། ཐོག་མཐའ་མེད་ཕྱིར་ངོ་མ་ཤེས།། ད་ལྟ་ཀུན་གཞིའི་སེམས་ལ་གནས།། འདུས་མ་བྱས་ཕྱིར་སྐྱེ་འཇིགས
63b5 མེད།། སེམས་ཅན་ཀུན་གྱི་རྟེན་གནས་གཞི།། མོས་གུས་མེད་ཕྱིར་རྟོགས་པར་དཀའ།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི་རྒྱུད་ལས། གཞིའི་དཔེ་བསྟན་པའི་ལེའུ་སྟེ་གསུམ
63b6 པའོ།། །། དེ་ནས་ཀུན་རིག་སྟོན་པ་ཡིས།། དང་པོ་སངས་རྒྱས་རྟོགས་ཚུལ་ནི།། དད་ལྡན་འདུས་པའི་འཁོར་རྣམས་ལ།། ང་ཡི་རྟོགས་ཉམས་བཀའ་སྩལ་པ།། འཁོར་འདས་མེད་པའི་གོང་རོལ་དུ།། ས་ཆུ་མེ
iiif viewer powered by OpenSeadragon
