| e-texts navigator |
| Wylie |
63a1 བྱིན་གྱིས་བརླབས་ཞེས་བྱ།། སྦྲུལ་སྐུས་བརྡའ་ཡིས་བརྒྱུད་པ་ཡང་།། ཚིག་དོན་ལུས་དང་རྟགས་ཀྱི་བརྡ།། ཤཱཀ་ཐུབ་སྤྲུལ་པ་གཞན་རྩལ་གྱིས།། ལྷ་གནས་མི་ཡིས་ཡུལ་དུ་ཕྱུངས།། རིག་འཛིན་འཕྲུལ
63a2 གྱི་ཐེག་པ་ནི།། ཡང་ཞུན་གསེར་གྱི་ཡི་གེར་བྲིས།། ལག་ན་རྡོ་རྗེའི་སྤྲུལ་པ་ལ།། ངེས་དོན་དགོངས་དོན་མངོན་ཕྱུང་ནས།། སྡེབ་སྦྱོར་ཚིག་གིས་བཀྲོལ་ནས་བཤད།། དེ་ཡང་རྡོ་རྗེ་སེམས་དཔའ་ཉོན།། རིགས་བཙུན
63a3 ཁྱད་འཕགས་སྣོད་ལྡན་ནི།། གང་ཟག་རྗེས་སུ་མི་འབྲང་བར།། ལུང་རིགས་གཉིས་ལ་རྟོགས་པ་མཁས།། མན་ངག་ཆོས་ཕྱིར་ཤིན་ཏུ་མོས།། བླ་མ་ལ་གུས་ཕྱི་ཟག་རིང་།། ཕངས་མེད་དབུལ་ནུས་སྣོད་ལྡན
63a4 ལ།། འབྲལ་མེད་ཡེ་ཤེས་རང་ཤར་དོན།། རྒྱུད་དྲུག་ཡང་སྙིང་ཡིན་པའི་ཕྱིར།། བསྟན་མ་ཟག་ཏུ་ཤེས་པའི་ཆོས།། སྣོད་ལྡན་གསང་ཐུབ་འགའ་ལ་བསྟན།། རྫོགས་པ་ཆེན་པོ་ཡེ་ཤེས་འཁོར་ལོ་གསང་བ་ཐུགས་ཀྱི
63a5 རྒྱུད་ལས། ཚུལ་དུ་གསུངས་པ་མདོར་བསྟན་པའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ་ཡིས།། ཆེད་དུ་གསུངས་པའི་དོན་གོ་ནས།། འཁོར་རྣམས་ལ་ནི་རྩེར་དགོངས་ནས།། རྫོགས
63a6 སངས་རྒྱས་ལ་འདི་སྐད་གསོལ།། གཞི་ཉིད་དཔེ་དོན་གང་གིས་མཚོན།། དང་པོ་སངས་རྒྱས་ཇི་ལྟར་བྱུང་།། དེ་ཡིས་བྱིན་རླབས་ཇི་ལྟར་རྟོགས།། བརྡ་དང་ཚིག་གིས་བཤད་དུ་གསོལ།། དེ་སྐད་ཞུས་པའི་དོན་གསན
iiif viewer powered by OpenSeadragon
