| e-texts navigator |
| Wylie |
62b1 དོན་གདམས་ངག་བཀའ་སྩལ་པ།། སངས་རྒྱས་ཀུན་གྱི་ངེས་པའི་དོན།། དོན་གྱི་ཁྱབ་དང་རྟོགས་པ་ཡི།། བྱིན་རླབས་བརྡ་དང་ཚིག་གི་དོན།། སྣོད་ལྡན་བློ་དང་ལྡན་པ་ལ།། མ་ནོར་ངེས་པ་ངས་བཤད་ཀྱིས།། བརྗོད
62b2 མེད་དད་པའི་ཡིད་ཀྱིས་ཉོན།། དེ་སྐད་ཅེས་ནི་གསུངས་པ་དང་།། ཁབ་ལེན་ལ་ནི་ལྕགས་འདུ་བཞིན།། བྱིན་གྱི་རླབས་ཀྱི་སྣང་བ་ཡིས།། འཁོར་རྣམས་དགའ་མགུ་མོས་པས་ཉན།། རྫོགས་པ་ཆེན་པོ་ཡེ་ཤེས་འཁོར
62b3 ལོ་གསང་བ་ཐུགས་ཀྱི་རྒྱུད་ལས། གསུང་བར་ཞལ་གྱིས་བཞེས་ཏེ། གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་ཀུན་རིག་སྟོན་པ་དེས།། སྔོན་གྱི་ཐུགས་དམ་ཞལ་བ་ཞེས་པས།། འགྲོ་དོན་ཐུགས་རྗེ
62b4 རྫོགས་མཛད་ཕྱིར།། ཆེད་དུ་དགོངས་ནས་བཀའ་སྩལ་པ།། བདེར་གཤེགས་སྙིང་པོ་ཆོས་ཀྱི་སྐུ།། འགྲོ་དྲུག་སེམས་ཅན་ཐམས་ཅད་ལ།། ཀུན་ལ་ཁྱབ་པས་ནམ་མཁའ་བཞིན།། རང་བྱུང་ངོ་བོ་ཡེ་ནས་ཡོད།། དེ་ཡང
62b5 འཁོར་གྱི་སྙིང་པོ་ཉོན།། འཁོར་འདས་མེད་པའི་གོང་རོལ་དུ།། ཡེ་ནས་གནས་པའི་ཆོས་ཉིད་ལ།། མ་འཁྲུལ་ཕྱིར་ན་ངང་གིས་རྟོགས།། ཡོན་ཏན་ལྔ་ལྡན་ཤེས་པ་དང་།། སངས་རྒྱས་དུས་མཉམ་ཀུན་བཟང
62b6 བྱུང་།། ཉིད་ལས་མི་གཞན་འཁོར་རྣམས་བཅས།། འོག་མིན་གནས་སུ་ཀུན་བཟང་གིས།། རྒྱུད་དག་རྡོ་རྗེ་སེམས་དཔའ་ལ།། ཚིག་ཏུ་མ་གསུངས་དོན་རྣམས་གོ།། རང་གིས་རིག་ཅིང་དགོངས་པས་བརྒྱུད།། དེ་ཕྱིར
iiif viewer powered by OpenSeadragon
