| e-texts navigator |
| Wylie |
62a1 རྣམ་ལྔ་ཡིན།། ཡང་གསང་རྟགས་ལ་བརྟག་ཏུ་མེད།། སངས་རྒྱས་རྟགས་དང་སེམས་ཅན་རྟགས།། དེ་རྣམས་སེམས་ཅན་རྟགས་སུ་བསྟན།། སངས་རྒྱས་རྟགས་ལ་སུ་རྟོགས་པ།། དེ་ཡང་སེམས་ཅན་བློ
62a2 ཡི་ཆོས།། སྡུག་བསྔལ་བདེ་ཆེན་ཡེ་ཤེས་ལ།། རྟག་ཏུ་དུག་ལྔ་རང་ཤར་འབྱུང་།། རང་ལས་འབྱུང་ཞིང་རང་ལས་གྲོལ།། རང་གིས་བྱས་ཤིང་རང་གིས་ཤེས།། རྟོགས་དང་མ་རྟོགས་བློ་དང་དངོས།། འཁོར་དང
62a3 མྱང་འདས་དབྱིངས་ཡེ་ཤེས།། སངས་རྒྱས་སེམས་ཅན་གཉིས་མེད་ན།། ཡང་གསང་རྟགས་སུ་བསྟན་པའོ།། ཀུན་ཏུ་བཟང་པོའི་སྲོག་ལེན་པ།། རྡོ་རྗེ་སེམས་དཔའི་སྲོག་གི་ཡང་སྙིང་། དགའ་རབ་རྡོ་རྗེས་ཞུས་པ། ཡེ
62a4 ཤེས་འཁོར་ལོའི་རྒྱུད་ལེའུ་སྟེ་བདུན་པ་རྫོགས་སོ།། །། @#།། རྒྱ་གར་སྐད་དུ།། མ་ཧཱ་སན་དྷི་ཛྙཱ་ན་ཙཀྲ་གུ་ཧྱ་ཙེཏྟ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་ཡེ་ཤེས་འཁོར་ལོ་གསང
62a5 བ་ཐུགས་ཀྱི་རྒྱུད་ཅེས་བྱ་བ། དཔལ་རང་བྱུང་རིག་པའི་ཆོས་སྐུ་དེ་ཁོ་ན་ཉིད་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན།། རང་བྱུང་ངོ་བོ་སྟོན་པ་དེ།། ཡེ་ཤེས་ཀློང་གི་གནས་མཆོག་ན།། ཉིད་ལས་མི
62a6 གཞན་རྟོགས་པའི་འཁོར།། དོན་གཅིག་བསྟན་པ་མངོན་གྱུར་ཏོ།། དེ་ཚེ་ཆོས་ཀུན་སྙིང་པོ་འདི།། དཔལ་གྱི་དཔལ་གྱུར་ཀུན་བཟང་གིས།། རྒྱུ་དག་རྡོ་རྗེ་སེམས་དཔའ་ལ།། བཀའ་རྟགས་ལྔ་ཡི་དོན་བསྡུས་ནས།། ངེས
iiif viewer powered by OpenSeadragon
