| e-texts navigator |
| Wylie |
61b1 བསྟན་པ་ནི།། ཐིག་ལེ་ཆོས་སྐུར་བཤད་པ་ཡིན།། གཉིས་མེད་ཆོས་སྐུར་བཤད་པ་ཡིན།། ལྟ་བའི་དོན་དུ་བསྟན་པའོ།། ལུང་ལས་ཀྱང་། དཀྱིལ་འཁོར་ཆེན་པོ་ཡངས་པ་ཡིན།། གཉིས་མེད་གཉིས་སུ་མེད་པར
61b2 སྟོན།། ཡང་དག་མཐའ་ལ་རྣམ་པར་གྲོལ།། ཞེས་གསུངས་སོ།། ངོ་སྤྲད་བཞི་པའི་ལེའུ་སྟེ་ལྔ་པའོ།། །། རྡོ་རྗེ་སེམས་དཔས་བཀའ་སྩལ་པ།། ངོ་སྤྲོད་བཞི་ཡི་དོན་ཆོད་ནས།། རྟགས་ཀྱང་རྣམ་པ་གསུམ
61b3 འབྱུང་སྟེ།། ཕྱི་ཡི་རྟགས་དང་ནང་གི་རྟགས།། གསང་བའི་རྟགས་དང་གསུམ་དུ་འབྱུང་།། ཕྱི་ཡི་རྟགས་ལ་རྣམ་གསུམ་སྟེ།། སྣང་བས་གནོད་པར་མི་ནུས་ན།། དེ་ནི་རྟགས་ཀྱི་དང་པོ་ཡིན།། ལུས་ལ་འབྱུང་བས
61b4 མི་ཚུགས་ན།། དེ་ནི་རྟགས་མཆོག་གཉིས་པ་ཡིན།། རྐྱེན་རྣམས་ཐིག་ལེར་ཤེས་པ་ནི།། དེ་ནི་རྟགས་མཆོག་གསུམ་པ་ཡིན།། ཕྱི་རྟགས་ཀྱི་ལེའུ་སྟེ་དྲུག་པའོ།། །། ནང་གི་རྟགས་ལ་རྣམ་གསུམ་སྟེ།། མཁའ
61b5 འགྲོའི་ལུང་སྟོན་དང་པོ་ཡིན།། ཆོས་ཀྱི་སྐད་སྟེར་གཉིས་པ་ཡིན།། རིག་པའི་དབང་ཐོབ་གསུམ་པ་ཡིན།། ཞེས་འབྱུང་ངོ་།། གསང་བའི་རྟགས་ལ་རྣམ་གཉིས་ཏེ།། གསང་བའི་རྟགས་དང་ཡང་གསང་རྟགས།། གསང
61b6 བའི་རྟགས་ལ་རྣམ་ལྔ་སྟེ།། རིག་པས་གཟུང་འཛིན་མི་ནུས་ཏེ།། རིག་པ་ཡེ་ཤེས་རང་ཤར་ལ།། དུག་ལྔ་ཡེ་ཤེས་ཐུག་ཕྲད་ཤེས།། ཤེས་པ་རྐྱེན་གྱིས་འགྱུར་མི་ནུས།། ཡེ་ཤེས་ཟང་ཐལ་སྐྱེ་བ་ནི།། དེ་ནི་གསང་རྟགས
iiif viewer powered by OpenSeadragon
