| e-texts navigator |
| Wylie |
60b1 གཏེར་གྱིས་བསྒྱུར།། འདི་མཚམས་ཕྱི་མ་གསང་བའི་རྒྱུད་དང་མཐར་ཟུག་གི་རྒྱུད་འཛུད།། ། @#།། རྒྱ་གར་སྐད་དུ། ཛྙཱ་ན་ཙཀྲ་ཏནྟྲ། བོད་སྐད་དུ། ཡེ་ཤེས་འཁོར་ལོའི་རྒྱུད། བཅོམ
60b2 ལྡན་ཀུན་ཏུ་བཟང་པོ་ཡིས།། འོག་མིན་བརྡལ་བའི་ཕོ་བྲང་དུ།། འཁོར་གྱི་རྡོ་རྗེ་སེམས་དཔའ་ལ།། ཡང་ཏིང་ནག་པོ་འཆད་པའི་དུས།། བྱིན་རླབས་བསྟན་པ་རང་ཤར་དུས།། ཐིག་ལེ་གཅིག་ཏུ་བསྡུས་པའི་ཚེ།། ངོ
60b3 སྤྲོསྤྱོད་བཞི་ཡི་གདམས་ངག་གསུངས།། མེ་མར་མེ་ལོང་དཀྱིལ་འཁོར་དང་།། རིན་ཆེན་མན་ཤེལ་བཞི་པོ་ལ།། རྡོ་རྗེ་སེམས་དཔར་ངོ་སྤྲད་པས།། རང་གྲོལ་ཉིད་དུ་མངོན་སངས་རྒྱས།། གླུར་བླངས་པས་ལེའུ་ལས
60b4 ཀྱང་།། ཚིག་བདེན་བདེན་པར་སྨྲ་བ་སྟེ།། བདེན་པ་བཞི་ནི་སྟོན་པ་པོ།། ཕྱིར་མི་ལྡོག་པ་ཕྱིར་མི་འོང་།། ཞེས་གསུངས་སོ།། རྩ་བ་མདོར་བསྡུས་པའི་ལེའུ་སྟེ་དང་པོའོ།། །། བཅོམ་ལྡན་རོ་ལངས་བདེ་བ
60b5 ཡིས།། བཅོམ་ལྡན་རྡོ་རྗེ་སེམས་དཔའ་ལ།། ངོ་སྤྲོད་བཞི་ཡི་རྒྱུད་ཞུས་པར།། ལེགས་པར་ཉོན་ལ་ཐུགས་ལ་ཆོངས།། གླུར་བླངས་པའི་ལེའུ་ལས་ཀྱང་།། ཁྱོད་ནི་རྩེ་གཅིག་ཡིད་ཀྱིས་ཉོན།། ཞེས་གསུངས་སོ།།
60b6 སྐྲོསྤྱོད་བཞི་པོ་མ་ལུས་པར།། བདག་ལ་གནང་བར་མཛད་དུ་གསོལ།། བཅོམ་ལྡན་དེ་ནི་ལེགས་ཞེས་གསོལ།། ཞེས་གསུངས་སོ།། རྡོ་རྗེ་སེམས་དཔས་བཀའ་སྩལ་པ།། མར་མེ་ངོ་སྐད་རྣམ་གསུམ་སྟེ།། ཚོགས
iiif viewer powered by OpenSeadragon
