| e-texts navigator |
| Wylie |
60a1 བཅུད་ཅན་བཏང་།། བད་ཀན་སྐྱེས་ན་ཅད་འཁྲོག་བྱེད།། དང་ག་མི་བདེར་གྱུར་པ་ན།། ཁ་ཟས་བསིལ་བཏང་བཅག་པར་བྱ།། སེམས་འཛིན་པ་ཡི་བར་དུ་ཡང་།། གཡེངས་པའི་འཁྲུལ་པ་ཟག་བཅད
60a2 ལ།། མ་ཡེངས་པར་ནི་བཟུང་བར་བྱ།། སེམས་ནི་མ་ཟིན་བར་དུ་ཡང་།། མཚན་མོའི་སེམས་འཛིན་ཁ་དོན་དང་།། སེམས་ཀྱི་རྒྱུ་འགྲུལ་བཅད་དེ་ཡང་།། དེ་ནས་སེམས་འཛིན་བརྟན་པ་དང་།། རིག་པ་སྟོང་གསལ་ལྟ།
60a3 བ་སྟེ།། དེ་ཡིས་དང་གནས་བསྒོམ་པའོ།། དེ་ལ་མ་ཡེངས་སྤྱོད་པ་ཡིན།། དེ་ལས་འབྲས་བུ་སྐུ་དང་ནི།། ཡེ་ཤེས་ལྔ་རུ་སྣང་བའོ།། དེ་ནི་ལམ་དུ་བསླང་བའི་དོན་ཞེས་གསུངས་སོ།། རྒྱུད་ཕྱི་མའི་ཕྱི་མ་ལས། སྐྱོན
60a4 བཅོས་པའི་ལེའུ་སྟེ་གསུམ་པའོ།། །། དེ་ནས་དཔལ་ལྡན་ཀུན་ཏུ་བཟང་པོས། རྡོ་རྗེ་སེམས་དཔའ་ལ་སོགས་པའི་འཁོར་རྣམས་ལ་བཀའ་སྩལ་པ། རྒྱུ་འདི་ལ་མ་ཚང་བ་ཁ་སྐོང་བའི་རྒྱུད་ཕྱི་མའི་ཕྱི་མ་ཞེས
60a5 སྟེ། འཁོར་བ་ཐམས་ཅད་མྱ་ངན་ལས་བསྒྲལ་ཞིང་། སྐུ་དང་ཡེ་ཤེས་སུ་ལ་ཟླ་བའི་ཕྱིར། ཤིན་ཏུ་གཅེས་པར་གྱིས་ལ་བཟུང་ཞིང་བཅང་བར་བྱའོ།། ཞེས་བཀའ་སྩལ་ཏེ། སྟོང་གསལ་དུ་སངས་རྒྱས་པར་གྱུར
60a6 ཏོ།། རྒྱུད་ཕྱི་མའི་ཕྱི་མ་ལས། འཁོར་རྣམས་ལ་རྒྱུད་གཏད་པའི་ལེའུ་སྟེ་བཞི་པའོ།། །། རྫོགས་པ་ཆེན་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མའི་ཕྱི་མ་ཞེས་བྱ་བ་རྫོགས་སོ།། ཤྲཱི་སིདྷ་དང་ཡང་དབང
iiif viewer powered by OpenSeadragon
