| e-texts navigator |
| Wylie |
5b1 ཆེར་གྱུར་ཏོ།། ཀུན་གཞི་དངོས་པོར་མེད་ལ་སེམས་སུ་འདོད།། དུ་ཡོད་ཕྱིར་ན་མེ་ཡོད་ངེས་པ་བཞིན།། དེ་ལས་སྐྱེ་བའི་འབྲས་བུ་དགེ་སྡིག་ལ།། སེམས་པའི་རྟགས་སུ་ལུས་ངག་ཡིད་གསུམ་འགྲུབ།། དེ་ཡང་འདུས
5b2 པའི་འཁོར་རྣམས་ཡང་ཉོན་ཅིག། དེ་དག་དབྱེ་བ་བསྟན་པ་བློ་དམན་ལ།། ཡིད་ཆེས་བྱ་ཕྱིར་མཚོན་པར་བསྟན་པ་ཡིན།། དོན་ལ་མ་རིག་པ་ལ་སེམས་སུ་གདགས།། གཟུང་འཛིན་འཁོར་བ་བསྐྱེད་ཕྱིར་ཀུན་གཞི
5b3 ཡིན།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། གཞི་གནས་སེམས་ཀྱི་ཀུན་གཞི་བསྟན་པའི་ལེའུ་སྟེ་ལྔ་པའོ།། །། དེ་ནས་འདུས་པའི་འཁོར་གྱི་སྙིང་པོ་ལ།། ཀུན་རིག་སྟོན་པ་ཆོས
5b4 རྗེས་ཡང་གསུངས་པ།། བག་ཆགས་ཀུན་གཞི་འཕྲལ་བྱུང་དང་པོའི་ཁུངས།། ད་ལྟ་གནས་དང་ཐ་མར་གར་འགྲོ་བའི།། ངོ་བོ་མཚན་ཉིད་ངེས་ཚིག་ལས་དང་དཔེ།། རྟགས་དང་གཉེན་པོ་དབྱེ་བ་རྩལ་དང་གྲངས།། དེ
5b5 དག་དོན་དུ་བསྡུས་ཏེ་གསུངས་པ་ཡིན།། དེ་ཡང་རྡོ་རྗེ་སེམས་དཔའ་དེ་ཡང་ཉོན།། ཐོག་མ་མཐའ་དྲུག་རྟོག་པ་ལས་བྱུང་བ།། གང་ཡང་མི་རྟོག་ཤེས་པ་དོན་མ་རིག། རང་ཉིད་ཡེངས་པའི་ཚུལ་གྱིས་རྟོག་པ
5b6 འཕྲོས།། མི་རྟོག་རང་སྣང་སྒྲིབ་པ་བག་ཆགས་བརྟས།། མ་རིག་བག་ཆགས་སྔ་མའི་རྒྱུ་ལ་བརྟེན།། འགེག་པ་མ་རིག་པས་ནི་སྡུག་བསྔལ་འབྱུང་།། ཆོས་སྐུ་མི་འགྱུར་བ་ལ་འཁོར་བ་བརྟེན།། དེ་ཕྱིར་ལུས་དང་སེམས
iiif viewer powered by OpenSeadragon
