| e-texts navigator |
| Wylie |
59a1 རྒྱ་གར་སྐད་དུ། མ་ཧཱ་སནྟི་ས་མནྟ་བྷ་དྲ་ཛྙཱ་ན་པྲ་ཀ་ཊ་ཤ་སྟྲཻ་ཏནྟྲ་པཤྩི་མ་ཙ་པཤྩི་མ་ན་མ། བོད་སྐད་དུ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད། ཕྱི་མའི་ཡང་ཕྱི་མ་ཞེས
59a2 བྱ་བ་བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་འཁོར་རྣམས་ལ་བཀའ་སྩལ་པ།། ཀྱེ་ཉོན་ཅིག་རྡོ་རྗེ་འཛིན་པ་རྣམས།། རིག་པ་སྟོང
59a3 གསལ་རྟོགས་འདོད་ན།། དང་པོ་སེམས་ཉིད་བཟུང་བ་དང་།། དེ་ནས་ལམ་དུ་བསླང་བར་བྱ།། ཞེས་བཀའ་སྩལ་ཏོ།། དེ་ནས་རྡོ་རྗེ་སེམས་དཔས་གསོལ་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། རིག་པ་སྟོང་གསལ
59a4 རྟོགས་འདོད་པ།། སེམས་བཟུང་རིམ་པ་ཇི་ལྟར་ལགས།། དེ་སྐད་ཅེས་ནི་གསོལ་པའི་ཚིག་གསན་ནས།། རྡོ་རྗེ་འཛིན་པས་བཀའ་སྩལ་པ།། སེམས་བཟུང་རིམས་པ་འདི་ལྟ་སྟེ།། མཐོ་དང་རི་མོ་འཇམ་རླུང
59a5 དང་།། ཐིག་ལེ་གདུགས་དང་འཁོར་ལོ་དང་།། ཡིག་འབྲུ་དང་ནི་ཤེས་རབ་མ།། སློབ་དཔོན་འགྲན་རླུང་ནམ་མཁའོ།། ཞེས་གསུངས་སོ།། རྒྱུད་ཕྱི་མའི་ཕྱི་མ་ལས་ལེའུ་སྟེ་དང་པོའོ།། །། དེ་ནས་གཞན་ཡང
59a6 བཀའ་སྩལ་པ།། དང་པོ་མཐོ་ལ་བཟུང་བ་ནི།། མདུན་དུ་མཐོ་ལ་གཏད་དེ་བཟུང་།། རི་མོ་དག་ལ་བཟུང་བ་ནི།། བདེ་བའི་སྟན་ལ་འདུག་པ་དང་།། མདུན་དུ་རི་མོའི་ནང་དུ་བཟུང་།། འཇམ་རླུང་དག་ལ་བཟུང་བ
iiif viewer powered by OpenSeadragon
