| e-texts navigator |
| Wylie |
57b1 རྒྱ་གར་སྐད་དུ། མ་ཧཱ་སནྣི་ས་མནྟ་བྷ་དྲ་ཛྙཱ་ན་པྲ་ཀ་ཊ་ཤསྟུ་སྟནྡྷ་པཤྩི་མ་ནཱ་མ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཕྱི་མ་ཞེས་བྱ་བ། བཅོམ་ལྡན་འདས
57b2 དཔལ་ཀུན་ཏུ་བཟང་པོ་རྡོ་རྗེ་འཆང་གི་སངས་རྒྱས་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་འཆང་གི་སངས་རྒྱས་ཀུན་ཏུ་བཟང་པོ་ཉིད་ཆོས་ཀྱི་དབྱིངས་ཀྱི
57b3 ཕོ་བྲང་ནས། སྟོང་གསལ་ཆེན་པོའི་ཏིང་ངེ་འཛིན་ལ་བཞུགས་སོ།། དེ་ནས་རྡོ་རྗེ་འཛིན་པས་གསོལ་པ།། ཀྱེ་ཀྱེ་བཅོམ་ལྡན་འདས་བདེ་ཆེན་ཀུན་ཏུ་བཟང་པོ་ཉིད་ཀྱིས།། སྟོང་གསལ་བདེ་ཆེན་བཤད་དུ་གསོལ།། དེ
57b4 སྐད་གསོལ་བ་གསན་ནས་ཀྱང་།། ཀུན་ཏུ་བཟང་པོས་བཀའ་སྩལ་པ།། སྟོང་གསལ་རིག་པ་བཤད་ཀྱིས་ཉོན།། གཞི་ཉིད་སྟོང་པ་གསལ་བ་སྟེ།། དེ་ཉིད་མ་རྟོགས་འཁྲུལ་པ་ཡིན།། དེས་ན་སྟོང་གསལ་ངོ་ཡིས
57b5 བཟུང་།། ཞེས་གསུངས་སོ།། གཞི་གཏན་ལ་དབབ་པའི་ལེའུ་སྟེ་དང་པའོ།། །། དེ་ནས་གཞན་ཡང་བཀའ་སྩལ་པ།། ལམ་ནི་རྣམ་པ་གཉིས་ཡིན་ཏེ།། ཐུན་མོང་སྤྱི་རུ་བསྟན་པ་དང་།། ཁྱད་པར་ལམ་དུ་བཀྲི
57b6 བའོ།། དེ་ལ་སྤྱི་རུ་བསྟན་པ་ནི།། ལྟ་བ་དབྱེར་མེད་རང་གྲོལ་ཡིན།། བསྒོམ་པ་འཛིན་མེད་རང་གསལ་ཏེ།། སྤྱོད་པ་རང་བྱུང་ལྷུག་པའོ།། ཁྱད་པར་ལམ་དུ་བཀྲི་བ་ནི།། རང་བཞིན་གནས་པའི་བར་དོ་ལ།། ད་ཕྲུག་མ
iiif viewer powered by OpenSeadragon
