| e-texts navigator |
| Wylie |
56b1 པར་འཕགས་པའི་དོན།། དེ་ལ་བགྲོད་དང་ཐོབ་རྒྱུ་མེད།། ལམ་དང་ས་ཡི་ཁྱད་པར་འཕགས་པ་ཡིན།། འདི་ནི་ལམ་མཆོག་དམ་པ་སྟེ།། རི་བྲན་ཐམས་ཅད་ལྟ་འདོད་ན།། རི་བོའི་རྩེ་ལ་འཛེགས་པ་བཞིན།། ཐེག་པ
56b2 འོག་མ་ཤེས་འདོད་ན།། ཨ་ཏི་ཡོ་གའི་དོན་ལ་བལྟ།། ཞེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། ཁྱད་པར་འཕགས་པའི་ལེའུ་སྟེ་བཅུ་གཅིག
56b3 པའོ།། །། དེ་ནས་ཡང་དཔལ་ཀུན་ཏུ་བཟང་པོ་ཆོས་ཀྱི་སྐུ་དེས། འཁོར་རྣམས་ལ་བཀའ་སྩལ་པ། ངའི་རྒྱུད་འདི་ནི་རྒྱུད་ཐམས་ཅད་ལས་ཁྱད་པར་འཕགས་པ་ཡིན་ཏེ། དེ་ཅིའི་ཕྱིར་ཞེ་ན། ལོག་པའི་ལམ་ནི
56b4 རྟག་ཆད་དུ་ཞེན་པ། ཉན་ཐོས་ལ་སོགས་པ་ཨ་ནུ་མན་ཆད་ནི་ཕྱོགས་སུ་འཛིན་ཏེ། ཡང་དག་པའི་དོན་དང་འགལ་ཏེ། རྒྱུད་འདི་ནི་སྟོང་གསལ་བདེ་བ་ཆེན་པོ། དུས་གསུམ་གྱི་སངས་རྒྱས་ཐམས་ཅད་ཀྱི་དགོངས
56b5 པ་དྲིལ་ཏེ་གཅིག་ཏུ་བསྟན་པ་ཡིན་པས། ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཅེས་བྱ་བར་ཟུང་ཞིག། ངའི་རྒྱུད་འདི་ནི་རྟགས་ཙམ་འཛིན་པའི་དུས་སུ། གང་ཟག་སྐལ་བ་དང་ལྡན་པ་རྣམས་ཀྱིས་སྤྱོད
56b6 པར་འགྱུར་རོ།། དེ་ཡང་རྒྱུད་འདི་སྟོན་པའི་དུས་སུ། གང་ཟག་སྐལ་བ་དང་ལྡན་པ་རྣམས་ལ། རིག་པ་རྩལ་གྱི་དབང་གསུམ་བསྐུར་ལ། དམ་ཚིག་ལ་གནས་པར་བྱའོ་ཞེས་བཀའ་སྩལ་པ་དང་། རྡོ་རྗེ་འཛིན་པ་ལ
iiif viewer powered by OpenSeadragon
