| e-texts navigator |
| Wylie |
56a1 འཕགས།། ཀུན་གྱི་དངོས་གཞིར་ཤར་བས་ན།། ལྟ་བ་ཁྱད་པར་འཕགས་པ་ནི།། འཛིན་མེད་རང་ཤར་ཟུང་འཇུག་ཡིན།། བསྒོམ་པ་ཁྱད་པར་འཕགས་པ་ནི།། རིག་པ་ཡུལ་མེད་བློ་ལས་འདས།། སྤྱོད
56a2 པ་ཁྱད་པར་འཕགས་པ་ནི།། སྤྱོད་པ་རང་བྱུང་ལྷུག་པའི་ངང་།། ཀུན་ལས་ཁྱད་འཕགས་བསམ་མི་ཁྱབ།། འབྲས་བུ་ཁྱད་པར་འཕགས་པ་ནི།། དབྱེར་མེད་སྐུ་ལས་ཁྱད་འཕགས་བགྲོད་དུ་མེད།། ས་ལས་ཁྱད
56a3 པར་ཐོབ་མེད་པ།། རང་བྱུང་ཡེ་ཤེས་བློ་ལས་གྲོལ།། འདི་ལྟར་སྣང་བའི་སེམས་ཉིད་དེ།། སེམས་ལས་ལོགས་ན་རྡུལ་ཙམ་མེད།། ཕྱི་ཡིས་སྒྲོ་འདོགས་ཆོད་པ་ཡིན།། དེ་དག་འཛིན་མེད་རང་ཤར་ལས།། སེམས་ནི་ཁ
56a4 དོག་དབྱིབས་དང་བྲལ།། རྟག་པ་མ་ཡིན་དངོས་པོ་མེད།། ཆད་པ་མ་ཡིན་རིག་ཅིང་གསལ།། ནང་གི་སྒྲོ་འདོགས་ཆོད་པ་ཡིན།། སྟོང་དང་གསལ་བ་དབྱེར་མེད་པས།། ཟུང་འཇུག་བདེ་ཆེན་ཆོས་སྐུ་སྟེ།། གསང་བའི
56a5 སྒོ་འདོགས་ཆོད་པ་ཡིན།། དེ་དག་འཛིན་མེད་རང་ཤར་བས།། བློ་ཡི་སྤྱོད་ཡུལ་དག་ལས་འདས།། རང་བྱུང་ཡེ་ཤེས་བཙལ་མེད་པ།། མཐར་ཐུག་སྒྲོ་འདོགས་ཆོད་པ་ཡིན།། དེ་ནི་ཁྱད་འཕགས་ལྟ་བའི་དོན།། དེ་ཡི
56a6 ང་ལ་གནས་པ་ནི།། བསྒོམ་པའི་ཁྱད་འཕགས་དོན་ཉིད་ཡིན།། དེ་ཡི་ངང་ལ་མ་ཡེངས་ནས།། གར་བདེར་རིག་པ་གནས་པ་ནི།། སྤྱོད་པ་ཁྱད་པར་འཕགས་པའི་དོན།། དེ་ཡི་དོན་ལ་སླེབས་པ་ནི།། འབྲས་བུ་ཁྱད
iiif viewer powered by OpenSeadragon
