| e-texts navigator |
| Wylie |
55b1 ལ་གནས་འདོད་ན།། ཟུང་འཇུག་ཉིད་དུ་ལ་ཆེན་བཟླ།། སྟོང་གསལ་ངང་ལ་གནས་ཙ་ན།། སྙིང་རྗེ་ངང་གིས་འབྱུང་བ་ནི།། སྟོང་དང་སྙིང་རྗེ་ཟུང་འཇུག་ཡིན།། དེ་ཉིད་འཛིན་མེད་རང་ཤར་གནས་པ་ནི།། བདེ་སྟོང
55b2 ཟུང་དུ་འཇུག་པ་ཡིན།། གསལ་བ་དང་ནི་སྟོང་པ་དག། གཉིས་སུ་མེད་ན་ཟུང་འཇུག་ཡིན།། ལྟ་བ་དང་ནི་སྐྲོད་པ་དག། གཉིས་མེད་ཟུང་འཇུག་ཉིད་དུ་ལ་བཟླའོ།། ཐབས་དང་ཤེས་རབ་ཟུང་དུ་འཇུག། མ་ཞེན་བློ
55b3 ལས་འདས་པ་ནི།། སྟོང་གསལ་ཆོས་སྐུ་བདེ་ཆེན་ཡིན།། རིག་པ་སྟོང་གསལ་བདེ་བ་ལ།། སྣང་བ་འཛིན་མེད་རང་ཤར་ན།། གཉིས་མེད་བདེ་བ་ཆེན་པོ་ལ།། ཐུན་དུ་བཅད་ལ་བསྒོམ་དུ་མེད།། བར་བར་སེམས་ཀྱིས
55b4 སེམས་ལ་བྱ་ར་བྱ།། བྱ་ར་བ་ལ་ངོས་གཟུང་མེད།། དེ་ཡི་ངང་ལ་གནས་པ་དེས།། མཐའ་དབུས་མེད་པའི་དགོངས་པ་སྟེ།། གང་ལྟར་སྣང་བ་ཆོས་ཀྱི་སྐུ།། གང་མྱོང་རིག་པ་ལོངས་སྐུ་ཡིན།། སྣ་ཚོགས་ཤར་བ་སྦྲུལ་སྐུ
55b5 ཡིན།། དེ་གསུམ་དབྱེར་མེད་རྡོ་རྗེའི་སྐུ།། སྣང་ཚད་སྐུ་ལ་གྲག་ཚད་གསུང་།། དྲན་རྟོག་ཐུགས་ཀྱི་དཀྱིལ་འཁོར་ཡིན།། བགྲོད་དུ་མེད་པའི་ས་ཆེན་ནོན།། ཞེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ
55b6 ཤེས་གསལ་བར་སྟོན་པའི་རྒྱུད་ལས། ལ་བཟླ་བའི་ལེའུ་སྟེ་བཅུ་པའོ།། །། དེ་ནས་གཞན་ཡང་གུས་པས་ཉོན་ལ་ཡིད་ལ་ཟུང་།། རྫོགས་པ་ཆེན་པོའི་གདམ་ངག་འདི།། ཐེག་པ་ཀུན་ལས་ཁྱད་པར
iiif viewer powered by OpenSeadragon
