| e-texts navigator |
| Wylie |
55a1 ཆོས་སྐུ་འདྲེས།། ད་ནི་ཆོས་སྐུ་མ་ཡིན་ཏེ།། དེ་ཉིད་དོན་གྱི་ཀུན་གཞི་ནི།། དཔེར་ན་ཆུ་ནི་རྙོག་མ་དྲངས་པ་བཞིན།། བག་ཆགས་རྟོག་པ་ཉོན་མོངས་ཀྱིས།། མ་བསླད་པ་ཡི་ཤེས་པ་དེ།། མ་རྟོགས་པ་ཡི
55a2 ཟུག་རྔུ་མེད།། འཛིན་མེད་རང་ཤར་ཆོས་ཀྱི་སྐུ།། ཤེས་པ་རང་ལུགས་གློད་བྱས་པས།། ཤེས་པ་དངས་སངས་བདེ་བ་ལ།། མ་ཞེན་རྟོགས་པའི་ཟུག་རྔུ་མེད།། དབེན་པའི་གནས་སུ་ཐུན་བཅད་ལ།། དང་པོ་ཁོ་ན
55a3 བསྒོམ་པར་བྱ།། དེ་ལ་ངང་གིས་གནས་པ་ལ།། སྒོ་ལྔ་གསལ་ལ་འཛིན་པ་མེད།། དེ་ཡི་ངང་ལ་གནས་པར་བྱ།། དེ་ནས་བརྟན་པར་གྱུར་པ་དང་།། ཡུལ་གྱི་སྙིང་པོ་ཐམས་ཅད་ཀུན།། ལྟར་སྣང་བུན་ནེ་ལོང་དེ
55a4 ཙམ།། དེ་ཡི་ངང་དུ་གནས་ཙམ་ན།། འབྱམས་ཐུབ་པ་ཡི་རྣལ་འབྱོར་ཏེ།། དེ་ལ་བསྒོམ་དུ་ག་ལ་ཡོད།། ཡེ་ཤེས་འགྱུ་བ་མ་ཟིན་ན།། བསྒོམས་ཀྱང་སྒོམ་པར་ག་ལ་འགྱུར།། མ་བསྒོམས་རང་སྒོམ་བྱུང་ཙམ
55a5 ན།། བསྒོམ་དུ་མེད་པའི་སྒོམ་པ་ཡིན།། དེ་ཉིད་གདེང་དུ་གྱུར་པ་ནི།། བལྟ་རུ་མེད་པའི་ལྟ་བ་ཡིན།། དེ་ཉིད་ངང་དུ་གནས་པ་ནི།། སྤྱད་དུ་མེད་པའི་སྤྱོད་པ་ཡིན།། དེ་ལྟར་གྱུར་ན་སངས་རྒྱས་ཡིན།། ཞེས་གསུངས་སོ།།
55a6 རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། ཡེ་ཤེས་ངོས་བཟུང་བའི་ལེའུ་སྟེ་དགུ་པའོ།། །། དེ་ནས་གཞན་ཡང་བཤད་ཀྱིས་ཉོན།། དེ་ཉིད་ལ་བཟླའི་རིམ་པ་ནི།། སངས་རྒྱས་ས
iiif viewer powered by OpenSeadragon
