| e-texts navigator |
| Wylie |
54b1 ལ་ཐིམ།། ཐོབ་པ་ཆོས་སྐུ་དག་ལ་ཐིམ།། དེ་དུས་ཆོས་སྐུ་དེ་ཉིད་ནི།། ཤིན་ཏུ་གསལ་ལ་ངོས་བཟུང་བྲལ།། སྟོང་གསལ་འཛིན་མེད་རང་གསལ་དེ།། ངོ་ཡིས་ཟིན་པས་མངོན་ཤེས་དྲུག། ཤར་ནས་རིག་པའི་དབང
54b2 མཆོག་ཐོབ།། མན་ངག་དམ་པ་ལྡན་གྱུར་ན།། དེ་ནི་སངས་རྒྱས་ས་ལ་གནས།། བཅུ་བཞི་སྤྱིར་ཆིབ་ས་ཡང་ནོན།། བགྲོད་དུ་མེད་པའི་ལམ་མཆོག་ཡིན།། གལ་ཏེ་སྟོང་གསལ་མ་ཟིན་ཅིང་།། འགྱུ་བ་བྱུང་ན་འགྲོ་དྲུག
54b3 ཏུ།། རང་གི་ལས་ཀྱིས་ལུས་ལེན་ཏེ།། འཁོར་བའི་མཐའ་ལ་ཟད་པ་མེད།། ཅེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། ཕྱི་རབས་རྣལ་འབྱོར་པའི་འཆི་རྟགས
54b4 བསྟན་པའི་ལེའུ་སྟེ་བརྒྱད་པའོ།། ། དེ་ནས་ཡང་རྡོ་རྗེ་འཛིན་པས་གསོལ་པ།། ཀྱེ་ཀྱེ་རྡོ་རྗེ་གསང་བ་མཆོག་གི་བདག། སྟོང་གསལ་རིག་པའི་ཡེ་ཤེས་དེ།། ངོ་ཡིས་གཟུང་ན་ཇི་ལྟར་གཟུང་།། དེ་ཉིད་ལ
54b5 ནི་གང་དུ་བཟླ།། ཞེས་གསོལ་པས། བཅོམ་ལྡན་འདས་གསང་བ་མཆོག་གིས་བཀའ་སྩལ་པ། སྟོང་གསལ་རིག་པ་ཆེན་པོ་དེ།། ཀུན་གཞི་གཉིས་ཀྱི་ངོས་ནས་བཟུང་།། ཡེ་ཉིད་དོན་གྱི་ཀུན་གཞི་དང་།། སྦྱོར་བ་རྐྱེན
54b6 གྱི་ཀུན་གཞི་ནི།། སེམས་ཅན་ཐམས་ཅད་ལ་ཡིན་ཏེ།། སྔར་གྱི་བག་ཆགས་དག་དང་ནི།། ཕྱིས་ཀྱི་ཉོན་མོངས་རྣམ་རྟོག་དང་།། དཔེར་ན་ས་དང་ཆུ་འདྲེས་ལ།། རྙོག་མར་གྱུར་པ་དག་དང་མཐུན།། དེ་གསུམ་དག་དང
iiif viewer powered by OpenSeadragon
