| e-texts navigator |
| Wylie |
53a1 མ་སོང་དོན་ལ་སྦྱར་བས་ན།། བསྒོམ་པ་འཛིན་མེད་རང་གྲོལ་ཏེ།། གར་སྦྱིན་སྦྲང་མ་ཆགས་དང་འདྲ།། བྲམ་ཟེ་སྐུད་པ་འཁལ་བ་བཞིན།། ཤེས་པ་ཀློད་ལ་གར་བདེར་བཞག། བསྒོམས་པ་དེ་ལྟར་མ
53a2 ལྡན་ན།། ལག་རྡུམ་བྲག་ལ་འཛེགས་པ་འདྲ་བའོ།། མཉམ་བཞག་དང་ནི་རྗེས་ཐོབ་མེད།། དེ་ལྟར་བྱུང་ན་བསྒོམ་པའི་མཆོག། བྱིང་རྨུགས་རྒོད་པའི་དགྲ་བྱུང་ཡང་།། རང་གི་དེ་ཉིད་ཤེས་པས་སེལ། ཞེས་གསུངས
53a3 སོ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས་བལྟ་བསྒོམ་བསྟན་པའི་ལེའུ་སྟེ་ལྔ་པའོ།། །། དེ་ནས་སྤྱོད་པ་བཤད་པར་བྱ་སྟེ།། སྤྱོད་པ་རང་བྱུང་ལྷུག་པ་སྟེ།། བི་ཤྲ་ཀརྨའི་བཟོ
53a4 དང་འདྲ།། ཚུལ་འཆོས་མེད་པའི་ངང་ཉིད་དེ།། ཐབས་དང་ཤེས་རབ་མཐུན་པར་བྱ།། སྤྱོད་པ་དེ་དང་མ་ལྡན་ན།། དམུས་ལོང་བྲག་ལ་འཛེགས་དང་མཐུན།། ཇི་བཞིན་པ་ཡིས་ལྟ་བ་ལ།། དེ་བཞིན་པ་ཡིས་བློ་བཞག
53a5 སྟེ།། དེ་ཡིས་ངང་ལས་མ་ཡེངས་པ།། སངས་རྒྱས་ས་ལ་གནས་པ་ཡིན།། ཞེས་གསུངས་སོ།། རྫོགས་པ་ཆེན་པོ་ཀུན་ཏུ་བཟང་པོ། ཡེ་ཤེས་གསལ་བར་སྟོན་པའི་རྒྱུད་ལས། སྤྱོད་པའི་མན་ངག་དང་བཅས་པའི་ལེའུ
53a6 སྟེ་དྲུག་པའོ།། །། དེ་ལྟར་གསང་བ་མཆོག་གི་བདག་པོས་བཀའ་སྩལ་པ། རིགས་ལྔའི་སངས་རྒྱས་ཀྱིས། བཅོམ་ལྡན་འདས་ལ་རང་རང་གི་སེམས་ཀྱི་རྟོགས་ཚད་འདི་སྨྲས་སོ།། ཨེ་མ་བདེ་གཤེགས་བཅོམ
iiif viewer powered by OpenSeadragon
