| e-texts navigator |
| Wylie |
52a1 རྟོགས་འཁོར་བར་སྣང་།། ཞེས་གསུངས་སོ།། ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། གླེང་བསླང་ནས་ལན་གསུངས་པའི་ལེའུ་སྟེ་གཉིས་པའོ།། །། དེ་ནས་ཡང་བཅོམ་ལྡན
52a2 འདས་དཔལ་ཀུན་ཏུ་བཟང་པོ་དེས། རྡོ་རྗེ་འཛིན་ལ་སོགས་པ་རིགས་ལྔའི་སངས་རྒྱས་ལ་བཀའ་སྩལ་པ།། སེམས་ཉིད་རྟོགས་དང་མ་རྟོགས་ལས།། འཁོར་བ་དང་ནི་མྱ་ངན་འདས།། གཞི་ནི་སྟོང་གསལ་མིང
52a3 མ་ཐོགས།། གང་དུ་མ་གྲུབ་ག་བུར་ཚུལ།། མཉམ་པ་ཉིད་ཀྱི་རང་བཞིན་ལས།། མཚན་མ་རང་སར་གྲོལ་བ་ཡིས།། སྟོང་གསལ་ཀུན་ཏུ་སངས་རྒྱས་ཏེ།། སྐུ་གསུམ་ཞིང་ཁམས་དག་ཏུ་གནས།། མ་རྟོགས་པ་ལ་འཁྲུལ
52a4 པའི་ཡེ་ཤེས་ཏེ།། ཀུན་གཞི་འོད་ཀྱི་ཁང་བུ་ནས།། མ་རིག་པ་ཡིས་འཁྲུལ་པ་ནི།། དྲན་པ་ཕྲ་མོའི་རྒྱུན་བྱུང་ནས།། འགྱུ་བ་དྲན་པས་ངར་འཛིན་བྱུང་།། ངར་འཛིན་དག་ལས་འཁོར་བར་འཁྱམས།། མིང་མ་ཐོགས་ཀྱི
52a5 ཆོས་ཉིད་ནས།། འཆར་སྒོ་རྣམ་པ་གཉིས་སུ་བྱུང་།། དེ་ཡང་མ་རིག་ཡེ་ཤེས་ཏེ།། མ་རིག་ཡེ་ཤེས་ཐ་དད་མེད།། སོ་སོར་དབྱེ་བ་རྣམ་པ་ཙམ།། མ་རྟོགས་པ་ལ་ལམ་དུ་གཅིག། རྟོགས་ན་བྱང་ཆུབ་ཆེན་པོའི
52a6 ལམ།། ཞེས་གསུངས་སོ།། ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ལས། འཁོར་འདས་གྱེས་པའི་ལུགས་བསྟན་པའི་ལེའུ་སྟེ་གསུམ་པའོ།། །། དེ་ནས་ཡང་རྡོ་རྗེ་འཛིན་པས་བཀའ་སྩལ་པ།
iiif viewer powered by OpenSeadragon
