| e-texts navigator |
| Wylie |
51a1 རྒྱ་གར་སྐད་དུ།། མ་ཧཱ་སནྟི་ས་མནྟ་བྷ་དྲ་ཛྙཱ་ན་པྲ་ཀ་ཊ་ཤསྟུ་སྟནྟ་ནཱ་མ། བོད་སྐད་དུ། རྫོགས་པ་ཆེན་པོ་ཀུན་ཏུ་བཟང་པོ་ཡེ་ཤེས་གསལ་བར་སྟོན་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན
51a2 ཏུ་བཟང་པོ་མཉམ་ཉིད་ཆོས་ཀྱི་སྐུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་གསང་བ་མཆོག་གི་བདག་པོ། དུས་གསུམ་པ་ཉིད་ཀྱི་ངོ་བོ། སྐུ
51a3 གསུམ་གྱི་རང་བཞིན། ཡེ་ཤེས་ལྔའི་བདག་ཉིད་ཅན། རོལ་པའི་རྫུ་འཕྲུལ་ལ་མངའ་བརྙེས་པ་དེ་ཉིད། དོན་ཆོས་ཉིད་སྐྱེ་བ་མེད་པ་ལས་རྟགས་ཡེ་ཤེས་འགག་པ་མེད་པའི་ཆོས་འཕྲུལ་དུ་བཞུགས་སོ།། དེ་ཡང་འོག
51a4 མིན་གྱི་གནས་གསང་བ་མཆོག་གི་དཀྱིལ་འཁོར་ཆེན་པོ། དུས་གསུམ་གྱི་སངས་རྒྱས་རྒྱལ་བ་རྣམས་གཤེགས་ཤིང་བཞུགས་ཏེ། བཞུགས་པར་གྱུར་པའི་གནས། དབྱིབས་དང་ཁ་དོག་ཐ་དད་པ་ལས་ངོ་བོ་ཉིད
51a5 གཅིག་པ་སྟེ། དེ་དག་དབྱིངས་ལས་ཡེ་ཤེས་གསལ་བའི་གཞལ་ཡས་ཁང་། ཁྱབ་པ་གདལ་བ་ཆེན་པོ་དེ་ན། འཁོར་རྡོ་རྗེ་འཛིན་པ་དང་། འཁོར་ལོ་འཛིན་པ་དང་། རིན་ཆེན་འཛིན་པ་དང་། པད་མ་འཛིན་པ་དང་།
51a6 རྒྱ་གྲམ་འཛིན་པ་ལ་སོགས་པ་ཏིལ་མར་ཁྱབ་པ་ལྟར་གནས་སོ།། དེའི་ཚེ་དེའི་དུས་ན་རྡོ་རྗེ་འཛིན་པ་ལ་སངས་རྒྱས་ཀུན་གྱི་ཞུ་བ་པོར། བཀའ་བསྒོས་ཏེ་ཐབས་གཅིག་ཏུ་བཞུགས་སོ།། རྫོགས་པ་ཆེན་པོ་ཀུན་ཏུ
iiif viewer powered by OpenSeadragon
