| e-texts navigator |
| Wylie |
50a1 དང་།། དབྱེར་མེད་དོན་དུ་སངས་རྒྱས་ན།། འཕོ་ཞིང་འགྱུར་བའི་ཆོས་མེད་དོ།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། འཁོར་གྱི་རྟོགས་པ་བརྗོད་པའི་ལེའུ་སྟེ་ཉེར་གསུམ
50a2 པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། ལྟ་བ་སྙིང་པོའི་དོན་གཏད་པ།། ཐེག་པའི་རྒྱལ་པོ་ལྷུན་རྫོགས་འདི།། སྐལ་ལྡན་འདུས་པ་རྣམས་ཀྱིས་ཀྱང་།། ཡིད་ལ
50a3 བཏག་ཅིང་བཅང་བར་གྱིས།། དེ་ཡང་རྡོ་རྗེ་སྙིང་པོ་ཁྱོད།། ང་ཡི་བསྟན་པའི་སྙིང་པོ་འདི།། ལོག་སྲེད་ཞེན་ཆགས་མ་ངེས་པར།། ནམ་ཡང་བསྟན་པར་མ་བྱེད་ཅིག། ཉན་ཟོས་ལ་སོགས་ལྷ་དམན་ལ།། བསྟན་ཀྱང་གོ།
50a4 བར་མི་འགྱུར་ཏེ།། མི་ཐེག་ཁལ་ཆེན་བཀལ་བ་བཞིན།། དོན་མ་གོ་བས་ངན་སོང་ལྟུང་།། དེ་བས་རང་སེམས་སྔོན་སྦྱངས་པའི།། རྣལ་འབྱོར་གང་ཞིག་དད་ལྡན་ལ།། སྙིང་པོ་འདི་ཡིས་དོན་མཚོན་ནས།། ལྟ་བའི་སྙིང
50a5 པོ་རྟོགས་པར་གྱིས།། དེ་ཡང་འདུས་པའི་སྙིང་པོ་ཁྱོད།། ཚུལ་འཆོས་བྱེད་ཅིང་སློབ་དཔོན་སྨད།། ནོར་ཕངས་གཞོག་ངོམས་ཁ་བསགས་ཅན།། གཡོ་རྒྱུ་ཐབས་ཀྱིས་ཆོས་འདོད་པ།། རྒྱུད་ཀྱི་སྙིང་པོ་ལྟ་བ་ནི།། ནམ
50a6 ཡང་བསྟན་པར་མ་གསུངས་སོ།། གལ་ཏེ་སྙིང་པོའི་དོན་བསྟན་ན།། འཕགས་པ་རྣམས་ཀྱང་དགྲར་ལྡང་ན།། མཁའ་འགྲོ་དམ་ཅན་སྨོས་ཅི་དགོས།། ཐར་པའི་སྲོག་བཅད་མནར་མེད་ལྟུང་།། དེ་ཡང་འདུས་པའི་སྙིང
iiif viewer powered by OpenSeadragon
