| e-texts navigator |
| Wylie |
4b1 ལྟར་འཁོར།། མ་རྟོགས་སེམས་ཅན་བར་དོར་ཇི་ལྟར་འཁྱམས།། ཀུན་རིག་ཆོས་སྐུས་ངེས་པར་བཤད་དུ་གསོལ།། དེ་དོན་ཞུས་པ་ཐུགས་ཆུད་བཀའ་སྩལ་པ།། དང་པོ་སེམས་ཀྱི་ཀུན་གཞི་གནས་ཚུལ་ནི།། ཐོག་མའི
4b2 ཁུངས་དང་ད་ལྟ་ཐ་མ་ཡི།། ངོ་བོ་ངེས་ཚིག་ཆེ་ཆུང་ཤས་སུ་དབྱེ།། མཚན་ཉིད་གཉེན་པོ་ལས་དང་རྩལ་དང་ཡུལ།། དཔེ་རྟགས་སྒོ་ནས་བསྟན་པ་ཤིན་ཏུ་གསུངས།། དེ་ཡང་རྡོ་རྗེ་སེམས་དཔའ་ཡིད་ཀྱིས་ཉོན།། དང་པོ
4b3 སེམས་ཀྱི་ཀུན་གཞི་ཐོག་མར་ཡང་།། གང་ལ་མི་རྟོག་དོན་གྱིས་མ་ཟིན་པ།། དེ་ཉིད་མ་ཤེས་ལྷན་ཅིག་མ་རིག་པ།། དེར་རྟོག་ཞུགས་པས་སེམས་ཀྱི་ཀུན་གཞི་བྱུང་།། དེ་ཉིད་ད་ལྟ་ག་ན་གནས་པའི་རྟེན།། འགྲོ་དྲུག
4b4 སེམས་ཅན་ཐམས་ཅད་མ་ལུས་དང་།། ཉན་ཐོས་རང་རྒྱལ་བྱང་ཆུབ་སེམས་དཔའ་ལ།། ཀུན་དང་ཐུན་མོང་མ་ཡིན་ཚུལ་དུ་གནས།། དེ་ཡང་འདུས་པའི་འཁོར་རྣམས་ཡིད་ཀྱིས་ཉོན།། སེམས་ཀྱི་ཀུན་གཞི་ཐ་མ
4b5 གར་འགྲོ་ན།། གཉེན་པོ་ཡེ་ཤེས་ལུང་ལྡན་རང་ཤར་ནས།། ཅིག་ཅར་རིམ་གྱིས་ངེས་པར་ངེས་པ་སྟེ།། དེ་དོན་མ་སྦྱངས་ཟིན་ངེས་པ་མེད།། ངོ་བོ་བཞི་ཡི་དོན་ཉིད་མ་ཤེས་ཕྱིར།། ཤེས་པ་བག་ཆགས་གཉིད་ལོག
4b6 ཀུན་གཞི་སྟེ།། རས་དཀར་ལ་ནི་སྣུམ་ཞེན་དཔེ་བཞིན་དུ།། ཆོས་ཉིད་མ་རིག་རྟོག་པའི་ངོ་བོར་གནས།། དེ་ཡང་འཁོར་གྱི་སྙིང་པོ་ཡང་ཉོན་ཅིག། སེམས་ཀྱི་ཀུན་གཞི་ངེས་ཚིག་སྣང་བ་ལ།། རྣམ་ཤེས་སྣ་ཚོགས་ཡུལ
iiif viewer powered by OpenSeadragon
