| e-texts navigator |
| Wylie |
49b1 ཆེས་བྱ།། དེ་ཡང་སེམས་དཔའ་རྡོ་རྗེ་ཉོན།། ཆོས་རྣམས་ཀུན་གྱི་རྩ་བ་ནི།། ཡེ་ཤེས་ལྷུན་གྲུབ་དག་ཏུ་བསྟན།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། མན་ངག་གཏན་ཚིགས་ཀྱི་ལེའུ་སྟེ་ཉེར་གཉིས
49b2 པའོ།། །། དེ་ནས་ཀུན་རིག་རྒྱལ་པོ་ལ།། འཁོར་རྣམས་གུས་པའི་ཚུལ་གྱིས་ནི།། རང་རང་རྟོགས་པ་བརྗོད་པའི་ཕྱིར།། སྤྱན་སྔར་འདུག་ནས་འདི་སྐད་གསོལ།། རིང་ནས་འདུས་པ་བདག་ཅག་ནི།། རྩ་བ
49b3 རང་སེམས་དོན་གསལ་བས།། བཙལ་བས་མི་རྙེད་རང་སེམས་ནི།། དམིགས་སུ་མེད་པའི་ཆོས་སྐུ་ལ།། གང་ཡང་མ་བཀག་ནམ་མཁའ་བཞིན།། མ་བསྒོམས་མ་ཡེངས་འབྲས་བུ་རྣམས།། ཞལ་མཐོང་སྤྲུལ་པ་བདག
49b4 གིས་ནི།། དུས་གསུམ་རང་སེམས་འགྱུར་མེད་དོན།། མེད་ལ་མི་ཟད་མཐའ་བྲལ་བས།། གང་ཡང་མ་སྤངས་གནས་སུ་དག། མ་བཙལ་རྙེད་པ་ནོར་བུ་བཞིན།། རང་སེམས་ཆོས་ཀྱི་དབྱིངས་སུ་དག། དད་ཉན་འཁོར
49b5 གྱི་རྟོགས་པ་འདི།། འགྲོ་དྲུག་སེམས་ཅན་ཐམས་ཅད་ཀྱིས།། ཆོས་སྐུ་རང་ཆས་དེ་རྟོགས་ན།། རྩོལ་ཞིང་བསྒྲུབ་པའི་ནད་བྲལ་བས།། ཡེ་ཤེས་ངོ་བོར་སངས་རྒྱས་ཏེ།། རེ་དོགས་མེད་པར་ལམ་དུ་རྟོགས།། དེ་སྐད
49b6 བརྗོད་པའི་དོན་རྟོགས་ནས།། ཀུན་རིག་རྒྱལ་པོས་བཀའ་སྩལ་པ།། ལེགས་སོ་དད་ལྡན་འཁོར་རྣམས་ཉོན།། ཚིག་ཏུ་མཚོན་པ་སྣ་ཚོགས་ཀྱང་།། དོན་ལ་དབྱེར་མེད་ངོ་བོ་གཅིག། གཅིག་ལས་སྤྲོས་པས་ཀུན་གྱི
iiif viewer powered by OpenSeadragon
