| e-texts navigator |
| Wylie |
49a1 པའི་ཚོགས་ལ་བཀའ་སྩལ་པ།། ལ་བཟླ་བ་ཡིས་གཏན་ཚིགས་ནི།། སངས་རྒྱས་ཐུགས་དང་སེམས་ཅན་སེམས།། སོ་སོར་སྣང་བ་མ་ཡིན་ཏེ།། རྩ་བ་ཆོས་སྐུར་གཅིག་པ་ཡིས།། གཉིས་སུ་མེད་པར་ལ
49a2 བཟླའོ།། འཁོར་བ་དག་གི་སྡུག་བསྔལ་དང་།། སངས་རྒྱས་རྣམས་ཀྱི་བདེན་པ་དང་།། གཉིས་ཀ་རྩ་བ་གཅིག་པ་ཡིས།། ལྷུན་གྲུབ་དག་ཏུ་ལ་བཟླའོ།། གཙང་དང་མི་གཙང་གཉིས་ཀ་བཞིན།། ལུད་པ་ལ་སོགས་གང
49a3 རུང་ལ།། བྱ་ཁྱི་ཡིས་ནི་ཟས་སུ་མཐོང་།། དེ་ཕྱིར་བླང་དོར་མེད་པའོ།། མཚན་དང་དཔེ་བྱད་ཡོན་ཏན་དང་།། ལུས་དང་བག་ཆགས་སྐྱོན་རྣམས་ཀུན།། ངང་འཇོག་མེད་པར་ལ་བཟླའོ།། གཞི་ལ་འཁྲུལ་པ་མ་རིག
49a4 མེད།། ཐམས་ཅད་བྱང་ཆུབ་སེམས་སུ་གསལ།། དུག་ལྔ་བྱང་ཆུབ་ལམ་ཡིན་པས།། སྤང་དུ་མེད་པར་ལ་བཟླའོ།། དེ་ཡང་རྡོ་རྗེ་སེམས་དཔའ་ཁྱོད།། རང་བཞིན་སྐྱེ་མེད་སྤྲོས་བྲལ་བས།། བརྗོད་དུ་མེད་པར་ཡིད་ཆེས
49a5 བྱ།། རྒྱུ་རྐྱེན་མེད་པའི་དོན་གོ་བས།། ལྷུན་གྱིས་གྲུབ་པར་ཟག་ཆོད་དོ།། ཕྱི་ནང་འབྱུང་བ་སྣ་ཚོགས་པ།། ཀུན་བཟང་རོལ་པ་ཡིན་པས་ན།། གང་ཡང་མི་འགལ་ཡིད་ཆེས་པས།། གཏན་ཚིགས་ཆེན་པོར་བཞག་པ
49a6 ཡིན།། ཆོས་ཅན་རང་གི་མཚན་ཉིད་ནི།། གདོད་ནས་གཉིས་སུ་མེད་པ་ཡིས།། ཆོས་རྣམས་རྩ་བ་གཅིག་པའི་དོན།། གཏན་ཚིགས་དག་གིས་ཡིད་ཆེས་བྱ།། ངོ་བོ་ཉིད་དུ་རང་གྲོལ་བས།། གཏན་ཚིགས་དག་གིས་ཡིད
iiif viewer powered by OpenSeadragon
