| e-texts navigator |
| Wylie |
48b1 སྡང་ལ་སོགས་དུག་ལྔ་ཡང་མ་སྤངས་གནས་སུ་དག་པར་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། ང་ཡིས་བཤད་པའི་ཆོས་རྣམས
48b2 ལ།། གང་ཟག་བློ་ཡི་རབ་འབྲིང་གིས།། ས་དང་ལམ་གྱི་ཁྱད་པར་དང་།། དབང་དང་དམ་ཚིག་ལྟ་བ་དང་།། བསྒོམ་པ་སྤྱོད་པ་ལ་སོགས་པ།། ཐ་དད་སྤྲོས་ཀྱང་གཅིག་ལས་མེད།། གཅིག་ལས་སྤྲོས་པ་ཀུན་གྱི
48b3 མིང་།། སེམས་ཉིད་རྣམ་པ་སྣ་ཚོགས་པས།། སྣ་ཚོགས་སྣང་ཡང་ངོ་བོར་གཅིག། དཔེར་ན་གསེར་རྒྱུ་གཅིག་པ་ལ།། དབྱིབས་སུ་གཟུགས་རྣམས་ཐ་དད་པ།། བྱས་པ་དེ་དག་མིང་རེར་གྲགས།། གྲགས་ཀྱང་གསེར
48b4 དང་ངོ་བོར་གཅིག། འདུས་པའི་རྡོ་རྗེ་སྙིང་པོ་ཁྱོད།། ཤེས་རབ་ཐབས་ཀྱི་སྤྱོད་པ་ཡིས།། ཆོས་སྐུ་ཡེ་ནས་དག་པ་ལ།། ཀློང་གསུམ་ལྡན་པའི་སྐྱེས་མཆོག་གིས།། རྒྱུན་དུ་མ་ཡེངས་རྒྱལ་བའི་སྲས།། དེ་ལ་སྐྱོན་གྱིས
48b5 གོས་མི་འགྱུར།། དེ་ཡང་འདུས་པའི་སྙིང་པོ་ཁྱོད།། ངང་སེམས་ཆོས་སྐུར་རྟོགས་པ་ཡིས།། མང་ལ་མི་ཟད་འབྱུང་བའི་གཏེར།། གཞན་དོན་སྨོན་ལམ་མཐར་ཕྱིན་པས།། ཐོགས་མེད་གཟུགས་སྐུ་རྣམ་གཉིས
48b6 པོ།། གསེར་སྦྲུལ་མིག་བཞིན་དུས་གཅིག་འབྱུང་།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། ཡོན་ཏན་གྱི་གདུལ་བྱ་བསྟན་པའི་ལེའུ་སྟེ་ཉེར་གཅིག་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས
iiif viewer powered by OpenSeadragon
