| e-texts navigator |
| Wylie |
47b1 རྫོགས་པ།། རེ་དོགས་གཉིས་མེད་དེ་ཁོ་ན།། དོར་བར་བྱ་བའི་དངོས་མེད་པར།། བླང་བར་བྱ་བ་ག་ལ་ཡོད།། སེམས་དཔའ་རྡོ་རྗེ་ང་ལ་ནི།། ལམ་མེད་ལམ་ལྟར་མ་སྦྱོར་ཅིག། ས་མེད་ས་བཅུར་མ་བགྲོད་ཅིག། རྟེན
47b2 མེད་དམིགས་ཀྱང་མ་འཆའ་ཞིག། སྒྲིབ་མེད་སྒྲིབ་གཉིས་མ་སྦྱོངས་ཤིག། ཡུལ་མེད་ཚོགས་གཉིས་མ་གསོག་ཅིག། སེམས་ལ་གཉེན་པོ་མེད་པར་སྦྱོར།། ལུང་ལས་མ་བཏུས་མན་ངག་གིས།། སེམས་ལས་མ་རྟོགས
47b3 སངས་རྒྱས་བརྙེས།། རྒྱུ་ལས་མ་བྱུང་འབྲས་བརྩོན་འདྲ།། དེ་ཡང་སེམས་དཔའ་རྡོ་རྗེ་ཁྱོད།། ཇི་བཞིན་པ་ཡི་དེ་ཉིད་ལ།། སངས་རྒྱས་ཉིད་ཀྱིས་བྱར་མེད་པས།། བློ་དང་བློ་ཡི་སྣང་བ་ཡིས།། གང་གིས་བཅོས་ཏེ་སུ
47b4 ཡིས་བྱས།། བྱེད་པ་པོ་ཡང་ག་ལ་ཡོད།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། ཐེ་ཚོམ་བསལ་བའི་ལེའུ་སྟེ་བཅུ་དགུ་པའོ།། །། ཀུན་རིག་སེམས་ཀྱི་རྒྱལ་པོ་ཡིས།། འདུས་པའི་ཚོགས་ལ
47b5 བཀའ་སྩལ་པ།། སེམས་དཔའ་རྡོ་རྗེ་ང་ཡི་ཆོས།། འབྱུང་བ་ལྔ་དག་ཉོན་མོངས་དག་པ་ནི།། སྣང་སྟོང་གོ་འབྱེད་ཀུན་ཁྱབ་མཁའ།། ཐེག་ཆེན་པོ་ལ་ཀུན་གནས་པས།། ཞི་གནས་རྣམ་དག་ཆུ་ཆེན་པོ།། ལྷག་མཐོང་ཡེ
47b6 ཤེས་འོད་འབར་མེ།། ཤེས་བྱ་ཐོགས་མེད་ཡེ་ཤེས་རླུང་།། ཀུན་ལ་ཁྱབ་པས་ནམ་མཁའི་དབྱིངས།། འབྱུང་བ་ཡེ་ཤེས་ལྔ་རུ་དག། དེ་ཡང་སེམས་དཔའ་རྡོ་རྗེ་ཁྱོད།། མ་འདྲེས་ཡོངས་རྫོགས་གསལ་སྟོང
iiif viewer powered by OpenSeadragon
