| e-texts navigator |
| Wylie |
46b1 མེད་པའི་དོན་རྟོགས་པས།། ལམ་བཞིའི་སྒྲིབ་པ་དེ་ལ་མེད།། བག་ཆགས་མི་གཡོའི་སྟོབས་ལྡན་པས།། མཆོད་པའི་སྒྲིབ་པ་དེ་ལ་མེད།། ངེས་པའི་ལུང་ལ་ཡིད་ཆེས་པས།། ལུང་གི་སྒྲིབ་པ་དེ་ལ་མེད།། དེ་དག་གོལ
46b2 ས་སྒྲིབ་པ་ཀུན།། ངང་དུ་རྫོགས་ནས་རང་ཡན་ལ།། བརྒྱ་དང་བརྒྱད་ཅུ་ལ་སོགས་པ།། གོལ་སའི་སྒྲིབ་པ་མུ་མཐའ་ཡས།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། གོལ་སྒྲིབ་མེད་པར་བསྟན་པའི་ལེའུ་སྟེ
46b3 བཅོ་བརྒྱད་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་ཚོགས་ལ་བཀའ་སྩལ་པ།། ང་ཡིས་བྱས་པའི་ཆོས་རྣམས་ལ།། བསྒོམ་དུ་ཡོད་མེད་མཐའ་ཡིས་ཆོས།། སེམས་ཅན་སངས་རྒྱས་ཚུལ
46b4 གཅིག་ཕྱིར།། རྒྱུ་འབྲས་དབྱེར་མེད་ལྷུན་གྱིས་གྲུབ།། དེ་ཡང་འདུས་པའི་སྙིང་པོ་ཁྱོད།། སྐྱོན་དང་ཡོན་ཏན་རྣམ་གཉིས་ཀྱིས།། ཆོས་ཉིད་འཁྲུལ་པ་གཞིར་བཞག་ན།། གཉིས་ཀ་ལྟར་ཡང་མི་འགལ་ཕྱིར།། ཀུན་ཀྱང
46b5 ཡིན་པ་ཐམས་ཅད་མིན།། དཔེར་ན་ཉི་མའི་སྙིང་པོ་ལ།། མུན་སྣང་གཉིས་ཀ་མི་འགལ་བཞིན།། གཞི་གཅིག་གང་ཡང་མ་འགགས་པ།། དེ་ཉིད་དུས་ན་ངོས་བཟུང་མེད།། དེ་ཡང་རྡོ་རྗེ་སྙིང་པོ་ཁྱོད།། ཆུ་ཕྲན་རྒྱ་མཚོར
46b6 རོ་གཅིག་ཕྱིར།། སྣང་སྲིད་ཡེ་ཤེས་ཆེན་པོ་ལ།། བྱིས་པ་རྣམས་ཀྱིས་ཐ་དད་བཟུང་།། དེ་ཕྱིར་བློ་ཡི་རྣམ་པ་ཡིན།། འབྱུང་བ་ནམ་མཁར་གཅིག་པ་བཞིན།། ཆོས་རྣམས་སེམས་སུ་གཅིག་པ་ལ།། བློ་བཞག་ཐེག་པ
iiif viewer powered by OpenSeadragon
