| e-texts navigator |
| Wylie |
46a1 པས།། འདུ་བྱས་ཆོས་སུ་དེ་མི་གོལ།། དགེ་སྡིག་རེ་དོགས་རྩོལ་མེད་པས།། ལས་ཀྱི་དབང་དུ་དེ་མི་གོལ།། སེམས་ལ་དབེན་པའི་ཡུལ་མེད་པས།། འབྲས་བུའི་ལམ་དུ་དེ་མི་འགྲོ།། ལམ་ལྔ་རིམ་གྱིས
46a2 མ་སྦྱངས་པས།། ས་བཅུ་བགྲོད་པར་དེ་མི་གོལ།། དག་པའི་ལྷ་ལྟར་མི་བསྒོམ་པས།། ཀྲི་ཡའི་ཐེག་པར་དེ་མི་གོལ།། ལྷ་སྤྱོད་གཉིས་འཛིན་མི་བསྒོམ་པས།། ཨུ་པ་ཡར་ནི་དེ་མི་གོལ།། བྱང་ཆུབ་རྣམ་ལྔ་མི་བསྒོམ
46a3 པས།། ཡོ་གའི་སེམས་དཔར་དེ་མི་གོལ།། རྣམ་རྟོག་ལྷར་ནི་མ་བསྒྱུར་བས།། མ་ཧཱ་ཡོ་གར་དེ་མི་གོལ།། འདུ་འབྲལ་མེད་འཛོམ་ཡོད་མེད་པས།། ཨ་ནུ་ཡོ་གར་དེ་མི་གོལ།། ཆོས་ཉིད་མཚོན་དུ་མེད་རྟོགས
46a4 པས།། མཚན་མའི་སྐྱོན་དུ་དེ་མི་གོལ།། བརྟུལ་ཞུགས་ཕྱི་ནང་མི་གོལ་པས།། བླང་དོར་མེད་པར་དེ་མི་གོལ།། གཉིས་མེད་དོན་ལ་མི་གཏོད་པས།། ཕྱོགས་ཅན་ལྟ་བར་དེ་མི་གོལ།། སེམས་ཉིད་དོན་ལ་མི་རྩོལ
46a5 བས།། མཉམ་ཉིད་དོན་ལས་དེ་མི་གོལ།། དེ་ལས་གཞན་པར་གོལ་ས་མེད།། དེ་ཡང་སེམས་དཔའ་རྡོ་རྗེ་ཁྱོད།། སྒྲིབ་པ་གང་ཡིན་མཚན་ཉིད་ནི།། ཡེ་ཤེས་ཆེན་པོར་ངོས་ཟིན་པས།། སྐབས་འབྱེད་སྒྲིབ་པ་དེ
46a6 ལ་མེད།། སྔ་ཕྱི་རྗེས་སུ་མི་འབྲངས་པས།། བསླབ་པའི་སྒྲིབ་པ་དེ་ལ་མེད།། སྔ་ཕྱི་གློ་བུར་དངོས་མེད་པ།། ཕྱོགས་ལྷུང་སྒྲིབ་པ་དེ་ལ་འབྱུང་།། ལྟ་བ་ངེས་པའི་གདེང་ཟིན་པས།། ཚོགས་ཀྱི་སྒྲིབ་པ་དེ་ལ་མེད།། བྱ་བ
iiif viewer powered by OpenSeadragon
