| e-texts navigator |
| Wylie |
45b1 སེམས་ཀྱི་རྒྱལ་པོ་ལ།། དེ་ལྟར་རྟོགས་པའི་རྣལ་འབྱོར་ལ།། གོལ་ས་སྒྲིབ་པ་ཅི་ལྟར་མེད།། བསྒོམ་དུ་ཡོད་མེད་ཇི་ལྟ་བུ།། འབྱུང་བ་ཉོན་མོངས་ཇི་ལྟར་དག། ཡོན་ཏན་གདུལ་བྱ་ཅི་ལྟར་འབྱུང་།། ལ་བཟླ་བ་ཡིས
45b2 གཏན་ཚིགས་གང་།། མཉམ་པའི་རྒྱལ་པོས་བཤད་དུ་གསོལ།། དེ་སྐད་གསོལ་བའི་ཚིག་གསན་ནས།། ཀུན་རིག་རྒྱལ་པོས་བཀའ་སྩལ་པ།། ལྟ་བ་ལྷུན་གྲུབ་ཆེན་པོ་ལ།། གོལ་སྒྲིབ་མེད་པར་བསྟན་པ་ཡིས།། བཅུ
45b3 གཉིས་གསུམ་དང་བདུན་བསྟན་པ།། ཡིད་ལ་མི་བྱེད་གོལ་སྒྲིབ་མེད།། དེ་དོན་རྣམ་པར་དབྱེ་བ་ནི།། བྱུང་ཚོར་རྗེས་སུ་མི་འབྲངས་པས།། འཇིག་རྟེན་ཕལ་པའི་སར་མི་གོལ།། ཡོད་མེད་ཡུལ་དུ་མི་བསྒོམ
45b4 པས།། རྟག་ཆད་མཐར་ནི་དེ་མི་གོལ།། ཤེས་རབ་ཟབ་མོའི་དོན་ཟིན་པས།། ལུང་དུ་མ་བསྟན་དེ་མི་གོལ།། ཞི་གནས་རོ་ལ་མ་ཆགས་པས།། འཇིག་རྟེན་བསམ་གཏན་སར་མི་གོལ།། སྒོ་ལྔའི་རྣམ་ཤེས་མི་འགོག
45b5 པས།། འདུ་ཤེས་མེད་པར་དེ་མི་གོལ།། རྣམ་རྟོག་མ་སྤངས་མ་ཞི་བས།། ཉན་ཐོས་འགོག་པར་དེ་མི་གོལ།། རྣམ་རྟོག་སྟོང་པར་མ་བསྒོམས་པས།། རང་རྒྱལ་སེམས་སུ་དེ་མི་གོལ།། རང་རིག་གསལ་བར་མ
45b6 བསྒོམས་པས།། སེམས་ཙམ་དུ་ནི་དེ་མི་གོལ།། མཚན་མ་སྟོང་པར་མ་བསྒོམས་པས།། དབུ་མ་ཉིད་དུ་དེ་མི་གོལ།། ཐབས་ཀྱི་བདེ་བ་མ་བསྒོམས་པས།། ཆགས་པའི་ལམ་དུ་དེ་མི་གོལ།། རྒྱུ་འབྲས་རྐྱེན་ལ་མི་ལྟོས
iiif viewer powered by OpenSeadragon
