| e-texts navigator |
| Wylie |
45a1 ནས་དེ་ལ་གང་གནས་པ།། རང་རིག་ཉིད་ལ་དབང་ཐོབ་ནས།། སྐྱེ་བ་གཞན་དུ་མི་ལེན་པར།། སངས་རྒྱས་རིག་འཛིན་ཆེན་པོ་ཐོབ།། སེམས་དཔའ་ཆེན་པོ་ང་ཡི་དོན།། ཇི་བཞིན་མ་བཅོས་དེ་ཉིད
45a2 ལ།། ཇི་བཞིན་པ་ཡི་རང་བཞིན་བཞག། ཡེ་ཤེས་དེ་ཉིད་མ་ཡིན་པར།། བསྒྲུབ་དང་བསྒྲུབ་བྱ་ག་ལ་ཡོད།། དེ་ལ་ཡེ་ཤེས་མངོན་གྱུར་ན།། མེད་ལ་མི་ཟད་འབྱུང་བའི་གཏེར།། ཁམས་གསུམ་རིན་ཆེན་རྙེད་པའི
45a3 མི།། ཅི་ལྟར་འདོད་པ་བཞིན་དུ་འབྱུང་།། ཡེ་ཤེས་ཆེན་པོ་འདི་རྟོགས་པས།། ཆེ་བའི་ཡོན་ཏན་རྒྱུན་མི་ཆད།། མིང་ཡང་ཀུན་འབྱུང་རིན་ཆེན་གཏེར།། དེ་བཞིན་ཉིད་དུ་ཀུན་རིག་ན།། འཁོར་བ་དང་ནི་མྱ་ངན
45a4 འདས།། སོ་སོར་སྣང་བ་མ་ཡིན་ཏེ།། ཇི་བཞིན་པ་དེ་རྟོགས་ངེས་ན།། དེ་ལ་འཁོར་བའི་རང་བཞིན་མེད།། རྡོ་རྗེ་སྙིང་པོ་དེ་ཉོན་ཅིག། མ་བཅོས་པ་ཡི་མན་ངག་གི།། ལྟ་བ་ཡངས་པའི་ནམ་མཁའ་ལ།། འཛིན་རྟོགས
45a5 མེད་པའི་ཡེ་ཤེས་གསལ།། གང་ཡང་མ་སྤངས་ལྷུན་གྱིས་གྲུབ།། མུན་པ་འཐིབ་པ་དེ་དག་གིས།། མི་གཡོ་མི་རྟོག་ཡེ་ཉིད་བལྟ།། དེ་མཐོང་མུན་པ་རྣམ་དག་སངས།། སངས་རྒྱས་ཀུན་གྱི་མཆོག་ཏུ་བཤད།། རྫོགས་པ
45a6 ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། བྱང་ཆུབ་སེམས་ཀྱི་ཆེ་བ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་སེམས་དཔའ་རྡོ་རྗེ་ཡིས།། འདུས་པའི་ཚོགས་ལ་ཕན་གདགས་ཕྱིར།། ཀུན་རིག
iiif viewer powered by OpenSeadragon
