| e-texts navigator |
| Wylie |
44b1 རྒྱུན་མ་ཆད།། མེད་ལ་མི་ཟད་འབྱུང་བའི་རྗེ།། མཚན་མ་ཟིལ་གྱིས་གནོན་པ་ཡིས།། སེམས་ཀྱི་དབང་ཆེན་དམ་པ་ཡིས།། འདོད་ཁམས་གནས་རིས་ཟིལ་གྱིས་གནོན།། འགྲོ་དྲུག་གཡང་ས་བཅད་པའི་ཕྱིར།། ཡེ
44b2 ཤེས་ཆེན་པོ་ངོས་ཟིན་པས།། གཟུགས་ཁམས་བཅུ་བདུན་དེ་མི་འཁོར།། ཡེ་ཤེས་སྤྱི་བླུགས་དོན་བསྒོམས་པས།། གཟུགས་ཁམས་བཞི་རུ་དེ་མི་སྐྱེ།། ཡེ་ཤེས་ཆེན་པོར་ལ་བཟློས་པས།། ས་བཅུ་རིམ་གྱིས་དེ་མི
44b3 བགྲོད།། དབང་གསུམ་གཅིག་ཏུ་རྟོགས་པ་ཡི།། མ་བཅོས་པ་ཡི་ཆོས་ཉིད་ཀྱིས།། བཅོས་པའི་མཚན་མ་ཟིལ་གྱིས་གནོན།། དམིགས་པ་མེད་པའི་ནམ་མཁའ་ཡིས།། དམིགས་པའི་འབྱུང་བ་ཟིལ་གྱིས་མནན།། སྐྱེ་བ
44b4 མེད་པའི་ཡེ་ཤེས་ཀྱིས།། སྐྱེ་བའི་ཕུང་པོ་ཟིལ་གྱིས་མནན།། རིག་པའི་ཆོས་ཀྱི་ཆོས་ཉིད་འདི།། དུས་གསུམ་སངས་རྒྱས་ཐམས་ཅད་ཀྱི།། དུར་ཁྲོད་ཆེན་པོ་ང་ཡི་སེམས།། སེམས་ལས་མ་རྟོགས་སངས་རྒྱས
44b5 མེད།། རིག་པ་སེམས་ཀྱི་དབང་ཆེན་ནི།། སངས་རྒྱས་ཀུན་གྱི་མེས་པོ་ཡིན།། འདི་ལས་མ་བྱུང་སངས་རྒྱས་མེད།། དེ་ཕྱིར་དབང་གསུམ་རབ་ཏུ་བསྔགས།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། རིག
44b6 པའི་དབང་གི་ཆེ་བ་བསྟན་པའི་ལེའུ་སྟེ་བཅུ་དྲུག་པའོ།། །། ཀུན་རིག་སེམས་ཀྱི་རྒྱལ་པོ་ཡིས།། ཆེ་བའི་ཡོན་ཏན་བཀའ་སྩལ་པ།། སྙིང་པོ་དོན་གྱི་འབྲས་བུའི་ཆོས།། གང་ཞིག་སྣོད་དང་ལྡན་པ་ཡིས།། ཤེས
iiif viewer powered by OpenSeadragon
