| e-texts navigator |
| Wylie |
44a1 ལ་རྫོགས།། སྐུ་གསུང་ཐུགས་ཀྱི་དོན་རྟོགས་པས།། བཟླས་བརྗོད་འཕྲོ་འདུ་དེ་ལ་རྫོགས།། ཚོགས་རྣམས་སྣོད་བཅུད་ཡིན་པའི་ཕྱིར།། ཚོགས་ཀྱི་མཆོད་པ་དེ་ལ་རྫོགས།། བདེ་ཆེན་གཉིས་མེད་ངོ་བོ
44a2 ལ།། ལྷག་མའི་མཆོད་པ་དེ་ལ་རྫོགས།། མི་བཟུང་ཡེ་ཤེས་ཆེན་པོ་ལ།། གཏོར་མའི་མཆོད་པ་དེ་ལ་རྫོགས།། ཐིག་ལེ་གཅིག་ཏུ་འདུས་པ་ལ།། དཀྱིལ་འཁོར་བསྡུ་བ་དེ་ལ་རྫོགས།། ཡེ་ཤེས་ལྷུན་གྲུབ་གོ་ལྡན
44a3 པས།། བཀའ་ནན་ལུས་སྲུང་དེ་ལ་རྫོགས།། གཉིས་མེད་དོན་དུ་སངས་རྒྱས་པས།། དགེ་བ་བསྔོ་བ་དེ་ལ་རྫོགས།། མཚན་དང་དཔེ་བྱད་ཐམས་ཅད་ཀྱི།། ཡེ་ཤེས་ལྷུན་གྲུབ་དེ་ལ་རྫོགས།། རྫོགས་པ་ཆེན་པོའི་ལྷ།
44a4 བ་ཐམས་ཅད་ཀྱི་སྙིང་པོ་ལས། ཆོས་རྣམས་ལྷུན་གྱིས་རྫོགས་པའི་ལེའུ་སྟེ་བཅོ་ལྔ་པའོ།། །། དེ་ནས་སེམས་དཔའ་རྡོ་རྗེ་ལ།། ཀུན་རིག་སེམས་ཀྱི་རྒྱལ་པོ་ཡིས།། དབང་གི་ཆེ་བ་བཀའ་སྩལ
44a5 པ།། སངས་རྒྱས་རྣམས་ཀྱི་དགོངས་པ་འདི།། ནམ་མཁའ་རྒྱ་མཚོ་ཉི་མ་བཞིན།། མ་སྤྲོས་མ་བསྡུས་རང་སྣང་བཞིན།། བྱང་ཆུབ་སེམས་ལས་མ་གཡོས་པས།། ཀུན་ལ་ཁྱབ་པའི་རིག་པ་གསལ།། འབབ་ཆུ་མར་མེ
44a6 དུག་སྔགས་བཞིན།། དམིགས་པ་དྲུག་ལ་སྒོ་ལྔ་གསལ།། རྣམ་རྟོག་ཉིད་ཀྱང་ཡེ་ཤེས་གསལ།། གསལ་ཙམ་ཉིད་ནས་ནུབ་པ་མེད།། ས་གཞི་ཆུ་ཟླ་གང་བ་བཞིན།། སྣ་ཚོགས་སྣང་ལ་བཟུང་དུ་མེད།། ཆེ་བ་ཡེ་ཤེས
iiif viewer powered by OpenSeadragon
