| e-texts navigator |
| Wylie |
43a1 དོ།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། མ་བསྒོམས་དོན་དང་བྲལ་བའི་ལེའུ་སྟེ་བཅུ་བཞི་པའོ།། །། དེ་ཡང་སེམས་དཔའ་རྡོ་རྗེ་ལ།། ཀུན་རིག་རྒྱལ་པོས་བཀའ་སྩལ
43a2 པ།། ཆོས་རྣམས་ལྷུན་གྱིས་གྲུབ་པར་ནི།། རྣལ་འབྱོར་ཆེན་པོ་སྐལ་ལྡན་ཏེ།། སྙིང་རྗེའི་རླན་དང་མ་བྲལ་བར།། སེམས་བསྐྱེད་རྣམས་གཉིས་དེ་ལ་རྫོགས།། བྱིང་རྒོད་གཉིས་ཀྱི་སྐྱོན་བྲལ་བས།། ཞི་གནས་བདེ་བ་དེ
43a3 ལ་རྫོགས།། སྒྱུ་མ་ལྟ་བུར་ངེས་ཤེས་པས།། དངོས་མེད་རྟོགས་པས་ལྷག་མཐོང་རྫོགས།། སེར་སྣ་འཛིན་པའི་སེམས་མེད་པས།། སྦྱིན་པའི་ཕ་རོལ་ཕྱིན་པ་རྫོགས།། མི་དགེ་ཉེས་བྱས་མི་འབྱུང་བས།། ཚུལ་ཁྲིམས་པ
43a4 རོལ་ཕྱིན་པ་རྫོགས།། ཆོས་ཀྱི་དབྱིངས་ལ་ཀུན་ཤོང་བས།། བཟོད་པའི་ཕ་རོལ་ཕྱིན་པ་རྫོགས།། ལྟ་བའི་དོན་ལ་མ་གཡོས་པས།། བརྩོན་འགྲུས་ཕ་རོལ་ཕྱིན་པ་རྫོགས།། སེམས་ཉིད་དོན་ལ་མི་གཡོ་བས།། བསམ
43a5 གཏན་ཕ་རོལ་ཕྱིན་པ་རྫོགས།། ཆོས་རྣམས་ལྟ་བ་ཟག་བཅད།། ཤེས་རབ་ཕ་རོལ་ཕྱིན་པ་རྫོགས།། སྣང་བ་གང་ཡང་མི་འགོག་པས།། ཐབས་ཀྱི་ཕ་རོལ་ཕྱིན་པ་རྫོགས།། མི་གནས་བླ་མེད་དོན་རྟོགས་པས།། སྨོན
43a6 ལམ་ཕ་རོལ་ཕྱིན་པ་རྫོགས།། མ་རིག་མུན་པ་ཀུན་བཅོམ་པས།། སྟོབས་ཀྱི་ཕ་རོལ་ཕྱིན་པ་རྫོགས།། འཁོར་འདས་ཡེ་ཤེས་ལྷུན་རྫོགས་པས།། ཡེ་ཤེས་ཕ་རོལ་ཕྱིན་པ་རྫོགས།། ལུས་ངག་དེ་ལས་མ་ཉམས
iiif viewer powered by OpenSeadragon
