| e-texts navigator |
| Wylie |
42b1 གསུང་ཐུགས་སུ་ལྡན།། ཡིན་ན་ཡེ་ནས་སངས་རྒྱས་ཡིན།། མེད་ན་ཁམས་གསུམ་འཁོར་བ་མེད།། གོལ་ན་ཆོས་ཀྱི་སྐུ་རུ་གོལ།། འཕྲོས་ན་ཆོས་ཀྱི་དབྱིངས་སུ་འཕྲོས།། བྱིང་ན་ཡེ་ཤེས་ཀློང་དུ་བྱིང་།། གསལ་ན་རང
42b2 སེམས་ཆོས་སྐུར་གསལ།། དེ་ལ་ཡོན་ཏན་སྐྱོན་རྣམས་ཀུན།། སེམས་སུ་འདུས་པའི་དོན་རྟོགས་ན།། རྣམ་རྟོག་ཉིད་ཀྱང་ཡེ་ཤེས་ཡིན།། ཡུལ་དུ་སྣང་བའི་མཚན་མ་རྣམས།། མ་བསྒོམས་ཡེ་ཤེས་ཆེན་པོའི
42b3 དོན།། བརྗོད་པ་མེད་པའི་ཤེས་རབ་ལ།། དམིགས་པ་མེད་པའི་ཏིང་འཛིན་གསལ།། ཤེས་རབ་དྲང་ཟད་སོ་མ་ལ།། འདུ་ཤེས་མི་བསྐུལ་བརྟུལ་ཤུགས་བསྐྱེད།། ཅི་ཡང་མི་བསྒོམ་ཅི་ཡང་མིན།། ཡེ་ཤེས་ཟང་ཐལ
42b4 ཉིད་དུ་གཞུག། ཐམས་ཅད་ཡེ་ནས་མཉམ་ཉིད་ལ།། རྒྱུ་དང་འབྲས་བུ་དབྱེ་རུ་མེད།། ཐ་སྙད་གང་ཡང་མི་གནས་པ།། བཙལ་དུ་མེད་པའི་དངོས་པོ་མེད།། དེ་ཉིད་མི་གནས་བྱང་ཆུབ་སེམས།། སེམས་ཞེས་བྱ་བའི
42b5 དོན་རྟོགས་ན།། སེམས་ལ་གཏད་དང་བཟུང་དུ་མེད།། ཇི་སྲིད་བར་དུ་གཏད་ཡོད་ན།། དེ་སྲིད་བར་དུ་འཁྲུལ་པ་ཡིན།། མི་ཤེས་མ་གྲོལ་དྲན་ཙམ་ན།། དེ་ལྟར་རྟོགས་པའི་རྣལ་འབྱོར་ཐུགས།། ང་ཡི་རིག་པ་འདི་སྤྱོད
42b6 ན།། རང་བྱུང་ཡེ་ཤེས་རྩ་བ་ནི།། བྱང་ཆུབ་སེམས་དཔའ་ཉིད་ཡིན་པས།། དེ་ཉིད་རྟོགས་པར་བྱ་བའི་ཐབས།། ཕྱི་ནང་ཆོས་རྣམས་མ་ལུས་པ།། ཇི་སྲིད་རང་བྱུང་ཉིད་ཀྱི་དོན།། དེ་ལས་གཞན་པའི་ཆོས་མེད
iiif viewer powered by OpenSeadragon
