| e-texts navigator |
| Wylie |
42a1 གྱིས་ཆགས་སྡང་སྐྱེས་པའི་ཚེ།། རང་བྱུང་ཡེ་ཤེས་ཤར་བ་ཡིན།། ཤྭ་དང་སེར་བ་ལ་སོགས་པ།། ཀུན་བཟང་ཐུགས་རྗེའི་རོལ་པ་ཡིན།། ངམ་གྲོག་གཡང་ས་ཚེར་དོང་གཡང་།། རྣམ་པར་དག་པའི་ཞིང
42a2 ཁམས་ཡིན།། མཚན་མ་སྤང་བའི་ཕ་རོལ་ན།། བསྒོམ་པ་བྱ་བ་ལོགས་ན་མེད།། སྡུག་བསྔལ་སྤང་བའི་ཕ་རོལ་ན།། བདེ་བ་བྱ་བ་ལོགས་ན་མེད།། གཏི་མུག་སྤང་བའི་ཕ་རོལ་ན།། ཡེ་ཤེས་བྱ་བ་ལོགས་ན
42a3 མེད།། རང་སེམས་སྤང་བའི་ཕ་རོལ་ན།། སངས་རྒྱས་བྱ་བ་ལོགས་ན་མེད།། ཆོས་ཅན་སྤང་བའི་ཕ་རོལ་ན།། ཆོས་ཉིད་བྱ་བ་ལོགས་ན་མེད།། གནོད་པ་སྤང་བའི་ཕ་རོལ་ན།། སྙིང་རྗེ་བྱ་བ་ལོགས་ན་མེད།། འཁོར
42a4 བ་སྤང་བའི་ཕ་རོལ་ན།། མྱ་ངན་འདས་པ་ལོགས་ན་མེད།། དེ་ཡང་སེམས་དཔའ་རྡོ་རྗེ་ཁྱོད།། དཔེར་ན་ཟངས་ལྕགས་ལ་སོགས་པ།། གསེར་འགྱུར་རྩི་ཡིས་བཏབ་གྱུར་ན།། ཐམས་ཅད་གསེར་དུ་འགྱུར་བ
42a5 ལས།། ཟངས་དང་ལྕགས་སུ་མི་འགྱུར་བཞིན།། མ་རིག་རྣམ་རྟོག་མཚན་མ་ལ།། ཡེ་ཤེས་ཆེན་པོའི་རྒྱས་ཐེབ་ན།། སྐུ་གསུམ་ཡེ་ཤེས་རང་བཞིན་ལས།། ཁམས་གསུམ་འཁོར་བར་མི་འགྱུར་ཏེ།། གདོད་ནས་མ་སྐྱེས
42a6 ཡེ་སངས་རྒྱས།། བཙལ་བ་མེད་པར་ཡེ་ནས་གྲུབ།། མི་ནུབ་པ་ལ་དོན་གསལ་བ།། དེ་ཉིད་ལྷུན་གྲུབ་དོན་རྟོགས་ན།། རྟག་ཀྱང་ཡེ་ཤེས་ཆེན་པོར་རྟག། ཆད་ཀྱང་འཁོར་བ་རྩད་ནས་ཆད།། ལྡན་ན་སྐུ
iiif viewer powered by OpenSeadragon
