| e-texts navigator |
| Wylie |
40b1 པའི་ཡེ་ཤེས་གསལ།། གསལ་ཙམ་ཉིད་ནས་དམིགས་པ་མེད།། དེ་བཞིན་ཉིད་དུ་ཀུན་རིག་པ།། དེ་ཁྱབ་གར་གནས་སངས་རྒྱས་ཡིན།། ཡོན་ཏན་རིན་ཆེན་སྤྲིན་བཀོད་པ།། དམིགས་པར་བྱ་བ་ཅི་ཡང་མེད།། ཆོས་སྐུ
40b2 སྙིང་པོ་བྱང་ཆུབ་ལ།། མཚོན་དུ་མེད་པས་རྐྱེན་དང་བྲལ།། མེད་པ་མ་ཡིན་ཆོས་ཉིད་འདི།། དཀའ་དགུ་བརྡོས་པའི་དད་ལྡན་གྱིས།། ཀུན་གྱི་རྩ་བ་འདི་བཅད་པས།། འདི་དོན་གང་རིག་ཐོས་པའི་མཆོག། ཐམས་ཅད
40b3 འདི་ལས་བྱུང་བ་ཡིན།། འདི་ཤེས་པ་ཀུན་ཤེས་པའི་མཆོག། གསང་བའི་ནང་ནས་གསང་ཆེན་འདི།། ཉིད་ཀྱི་ཉིད་ཀྱང་མི་མཐོང་བས།། གཞན་གྱིས་མཐོང་བ་ག་ལ་འགྱུར།། ཇི་སྙེད་བསམ་གྱིས་མི་ཁྱབ
40b4 པའང་།། ཆོས་ཉིད་རྟོགས་པར་རབ་ངེས་པས།། སངས་རྒྱས་ཀུན་དང་མཉམ་སྦྱོར་བ།། རྣལ་འབྱོར་ཆེན་པོའི་བསམ་གཏན་ཡིན།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། ཡེ་ཤེས་སྤྱི་བླུགས་ཀྱི་ཆོས
40b5 ཀྱི་ཆོས་ཉིད་ལ་རིག་པ་རྩལ་གྱི་དབང་བསྐུར་བའི་ལེའུ་སྟེ་བཅུ་གསུམ་པའོ།། །། དེ་ནས་ཀུན་རིག་རྒྱལ་པོ་ལ།། སེམས་དཔའ་རྡོ་རྗེས་དོན་ཞུས་པས།། མ་བསྒོམས་ཡེ་ཤེས་ཇི་ལྟར་གསལ།། ཕྱི་ནང
40b6 ཆོས་རྣམས་ཇི་ལྟར་རྫོགས།། དབང་ཆེན་འབྲས་བུ་ཇི་ལྟ་བུ།། ཆེ་བའི་ཡོན་ཏན་ཇི་ལྟར་འབྱུང་།། དེ་སྐད་གསོལ་པས་ཚིག་གསན་ནས།། འདུས་པའི་ཚོགས་ལ་བཀའ་སྩལ་པ།། མ་བསྒོམས་དོན་དང་མི་འབྲལ
iiif viewer powered by OpenSeadragon
