| e-texts navigator |
| Wylie |
3b1 མ་ལས་ཅན་གྱིས།། དད་པས་རང་ཉིད་ཤིན་ཏུ་གུས་བྱས་ནས།། ལུས་དང་ལོངས་སྤྱོད་སྲོག་ལ་མི་བལྟ་བར།། སྲིན་མོ་བུ་མོ་ལ་སོགས་རབ་རྒྱན་ཏེ།། རྟ་དང་གླང་པོ་ནོར་གྱི་དབྱིག་རྣམས་ཀྱང་།། སེར་སྣ་མེད་པར་བླ
3b2 མ་དག་ལ་འབུལ།། ད་ཡང་འཁོར་གྱི་སྙིང་པོ་ཉོན།། ཆོས་ཕྱིར་བརྩོན་འགྲུས་ཆེ་ལ་དམ་ཚིག་ལྡན།། བློ་བརྟན་ཤེས་རབ་ཆེ་ཞིང་དོན་གསང་ཐུབ།། ཚུལ་ཤིས་ངང་བཟང་རྣམས་ཀྱི་དོན་གྱི་གཏེར།། དེ་དག་ཡོན་ཏན
3b3 བརྒྱ་ལྡན་སློབ་མ་ལ།། རབ་ཏུ་གསང་སྟེ་དོན་ཉིད་སྟོན་པ་ཡི།། བླ་མ་མཁས་པ་མཐའ་བཅུ་རྫོགས་པ་ལ།། མཉེན་ཞིང་དུལ་བ་ཐུགས་རྗེ་རབ་ལྡན་ཞིང་།། སྲིད་པར་ཞུས་ཀྱང་དོན་རྣམས་ཟད་མེད་པའི།། དམ་པའི
3b4 མཛོད་ཀྱི་གཏེར་ལྡན་སྟོན་ལ་མཁས།། དཔེར་ན་སེང་གེས་འཇིགས་པ་རྩད་གཅོད་བཞིན།། བློ་དངོས་གཅིག་ལ་གཏོད་ལ་གུས་པར་ཞུས།། དེ་ཡང་རྡོ་རྗེ་སེམས་དཔའ་འཁོར་རྣམས་ཉོན།། ཡང་དག་དོན་གྱི་ལྟ་བ
3b5 གསང་བ་འདི།། གང་ཟག་ཕྱིན་ཅི་ལོག་དང་ལྟ་བ་དམན།། ཟོས་པ་ཆུང་ལ་བློ་བརྟུལ་ཤེས་རབ་མེད།། ནོར་ཕོངས་ཁ་རལ་ལ་སོགས་སྣོད་མེད་ལ།། འདི་བསྟན་གཉིས་ཀ་བསྲེག་ཕྱིར་རབ་ཏུ་གསང་།། དེ་སྐད
3b6 གསུངས་མ་ཐག་ཏུ་ཡིད་དགའ་ནས།། འཁོར་རྣམས་སྣོད་ཀྱི་དོན་དང་ལྡན་པ་ནི།། ཁས་བླངས་དམ་བཅས་ནས་ནི་ཡིད་བསྡུས་ཏེ།། མགྲིན་གཅིག་གསོལ་ཏེ་ལྷགས་ནས་འཁོད་གྱུར་ཏོ།། རྫོགས་པ་ཆེན་པོ་ལྟ་བ་ཡེ
iiif viewer powered by OpenSeadragon
