| e-texts navigator |
| Wylie |
3a1 འཁྱམས་པའི་སེམས།། གཟུང་འཛིན་བག་ཆགས་དབང་གིས་ཞེན་པ་ལ།། རྣམ་རྟོག་དྲ་བ་གང་གིས་བཅད་པའི་ཐབས།། ཐུགས་རྗེ་ཆེན་པོས་མི་འཛིན་ཡི་རེ་ཆད།། ཤིན་ཏུ་རྣལ་འབྱོར་བཀའ་བདེན
3a2 འབྱུང་བ་དཀའ།། སེམས་ཅན་ཚེ་ཟུང་སྐྱེ་རྒས་གཏིང་ནས་ཐུག། མ་རིག་མུན་པས་གཏིབས་པ་སྙིང་རེ་རྗེ།། འགྲོ་དྲུག་འཁོར་བ་མི་སྒྲོལ་ཡི་རེ་མུག། རང་སེམས་ས་འཁོར་བདག་ལ་ས་མཁན་མཛོད།། སེམས་ཅན
3a3 ལས་ལ་ཐུགས་རྗེས་ཡི་ཆད་ཀྱང་།། སྙིང་རྗེས་འགྲོ་དོན་ཐུགས་རྗེས་མི་མཛད་དམ།། སེམས་ཅན་ལྷ་མི་རྣམས་ནི་ཤེས་པ་རྩིང་།། དབང་པོ་ཡུལ་ལ་གཡེངས་པའི་གཟུང་འཛིན་གྱིས།། འཚོ་བ་དཀོན་ལ་ནད་དང་རྐྱེན
3a4 མང་བས།། ཐར་ལམ་མི་འཐོབ་འཁོར་བར་ལྷུང་ཞིང་འཁྱམས།། ངེས་དོན་མན་ངག་རྟོགས་པར་བྱ་བའི་དོན།། བཀའ་བཞིན་སྣོད་དང་ལྡན་པར་དམ་བཅས་པས།། མ་བསྒོམས་འབྲལ་མེད་ངེས་དོན་ཐུགས་རྗེས
3a5 གསུངས།། རྫོགས་པ་ཆེན་པོའི་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། འཁོར་གྱིས་གདུང་བ་བཏོན་པའི་ལེའུ་སྟེ་གཉིས་པའོ།། །། དེ་ནས་འདུས་པའི་རྡོ་རྗེ་སེམས་དཔའ་ལ།། ཐུགས་ཀྱིས
3a6 གཟིགས་ནས་ངེས་པར་བཀའ་སྩལ་པ།། བསྒོམ་དུ་མེད་པ་མི་འབྲལ་གདམས་ངག་རྒྱུན།། ཀུན་བཟང་ང་ཡི་ཐུགས་ནས་བརྒྱུད་པ་ཡི།། ངེས་དོན་བྱིན་གྱིས་བརླབས་པའི་མཁས་པ་ལ།། རང་སེམས་རྟོགས་འདོད་སློབ
iiif viewer powered by OpenSeadragon
