| e-texts navigator |
| Wylie |
39b1 དཔག་མེད་པ།། སྟོང་ཉིད་སྐད་ཅིག་རིག་པ་ཡིས།། རྣམ་རྟོག་སྟོང་པའི་ངང་དུ་སངས།། སངས་རྒྱས་སེམས་ཅན་ལ་སོགས་པའི།། ཀུན་ཀྱང་རང་བྱུང་ཡེ་ཤེས་ཉིད།། སྟོང་ཉིད་ནམ་མཁའི་ངང་དུ་གཅིག། སྟོང་ཉིད
39b2 ནམ་མཁའི་ངང་དུ་སངས།། མི་མཐུན་པ་དང་གཉེན་པོ་གཉིས།། ཡེ་ནས་གཉིས་མེད་གཅིག་པས་ན།། གདོད་ནས་འཇིག་པ་ག་ལ་ཡོད།། སེམས་དཔའ་ཆེན་པོ་རིག་འཛིན་ཁྱོད།། འཇིག་རྟེན་འཁོར་བའི་ཁ་བརྒྱུད
39b3 པ།། མ་རིག་ངོ་བོ་དེ་བཞིན་པས།། གཞི་མེད་པ་ཡིས་སྐད་ཅིག་པར།། དེ་ཉིད་རིགས་ན་བདེ་ཆེན་གནས།། བསམ་གྱིས་མི་ཁྱབ་ཆོས་ཉིད་རྣམས།། དེ་བཞིན་ཉིད་དུ་གཅིག་པས་ན།། གང་གི་ཡེ་ཤེས་དོན་རྟོགས
39b4 པས།། ཀུན་ལ་དབང་བསྐུར་ཐོབ་པ་ཡིན།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས་སེམས་ཀྱི་སེམས་ཉིད་ལས་རིག་པ་རྩལ་གྱི་དབང་བསྐུར་བའི་ལེའུ་སྟེ་བཅུ་གཉིས་པའོ།། །། དེ་ནས
39b5 འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡི།། ཡེ་ཤེས་སྤྱི་བླུགས་བཀའ་སྩལ་པ།། ཐིག་ལེ་གཅིག་ཏུ་རྫོགས་པ་ཡིས།། ཡེ་ཤེས་ཆེན་པོའི་མཐུན་དཔེ་ནི།། མཐའ་དང་དབུས་མེད་ནམ་མཁའ
39b6 འདྲ།། མི་གཡོ་བས་ན་རྒྱ་མཚོ་འདྲ།། ཕར་འཇོམས་པས་ན་རྡོ་རྗེ་འདྲ།། དེ་དོན་རང་བྱུང་ཡེ་ཤེས་ལ།། སྣང་སྲིད་གསལ་བ་སྒོ་ལྔའི་ཡུལ།། ཤེས་པ་རང་གསལ་ཆོས་ཀྱི་སྐུ།། འཛིན་པ་མེད་པས་ལྷུན་གྱིས་གྲུབ།། ཁྱུད
iiif viewer powered by OpenSeadragon
