| e-texts navigator |
| Wylie |
39a1 དོན་རྟོགས་ན་དང་ལ་བདེ།། ཤེས་པ་མི་འགྱུར་བཀྲིར་མི་བཏུབ།། ཆུ་ལས་མི་འདའ་ཉ་བཞིན་དུ།། དོན་ལས་མི་འདའ་ཆོས་ཉིད་རྟོགས།། དེ་དང་མི་ལྡན་རྣལ་འབྱོར་པས།། རྒྱལ་པོས་མངའ་བྱས
39a2 བཙུན་མོ་ལྟར།། སྔ་ཕྱི་གཉིས་པོ་སྐྱེས་པའི་ཚེ།། སྔ་རྗེས་མི་གཅོད་བྱང་ཆུབ་སེམས།། འཕྲོས་པ་རྐུན་པོ་ཚོར་མ་ཐག། ས་བསྐྲད་རང་བཞིན་དེངས་པ་ལྟར།། རང་སེམས་རྩོལ་བ་མེད་པ་ཡི།། མི་གཡོ་མཉམ་པའི་དོན
39a3 ལ་བཞག། དེ་ལྟར་རྟོགས་པའི་རྣལ་འབྱོར་ཉམས།། ཤིང་བལ་ལྟ་བུར་ལུས་འཇམ་པ།། ཕྱི་ནང་འབྱུང་འཇུག་དབུགས་རྣམས་སྙོམས།། སེམས་དཔའ་ཆེན་པོ་དེ་ཉོན་ཅིག། ང་ཡི་ཆོས་ཉིད་འབྲས་བུ་འདི།། མ་བཅོས
39a4 ནམ་མཁར་ཉི་ཤར་བཞིན།། མུན་པ་མེད་པར་གསལ་བ་ཡིས།། ལྷངས་ཀྱིས་རྟོགས་ན་ལྟ་བའི་མཆོག། དོན་ལ་མ་ཡེངས་བསྒོམ་པ་ཡིན།། གང་ཡང་མ་བཀག་སྤྱོད་པའི་ཡུལ།། དེ་ལས་མི་འདའ་དམ་ཚིག
39a5 ཡིན།། དབྱིངས་ནས་རིག་པ་རང་ལ་ཤར།། སྔ་ཕྱི་ནུབ་པ་ག་ལ་ཡོད།། ཉོན་མོངས་བག་ཆགས་རྟོག་པ་ཡིས།། ཇི་བཞིན་པ་ལ་གཉིས་ཀ་བསྒྲིབས།། རང་བཞིན་དབྱེར་མེད་ཉིད་པས་ན།། གཉིས་མེད་ཤེས་པ་གཅིག
39a6 ཏུ་རྫོགས།། སྔ་ཕྱི་གཉིས་འབྲེངས་རྟོག་པ་ཡིས།། མཁའ་ལ་གློ་བུར་སྤྲིན་གཏིབ་ལྟར།། མཁའ་དག་ནང་དུ་སྤྲིན་སོང་ལྟར།། ང་ཡིས་ཡེ་ཤེས་ངོས་ཟིན་ན།། ཐོག་མ་མེད་པར་བསགས་པ་ཡི།། རྣམ་རྟོག་སྤྲིན་ཕུང
iiif viewer powered by OpenSeadragon
