| e-texts navigator |
| Wylie |
38b1 རྡོ་རྗེ་སྙིང་པོ་ཁྱོད།། ང་ཡིས་བྱས་པའི་ཆོས་ཉིད་འདི།། སངས་རྒྱས་ཀུན་གྱི་ལམ་ཡིན་ཏེ།། ཆོས་རྣམས་ཀུན་གྱི་མཚན་ཉིད་ནི།། རྒྱས་འདེབས་བཞི་ཡིས་རང་བཞིན་གྱིས།། འདུ་ཤེས་རྟོགས་པ་ཐམས་ཅད་ས།། རྐྱང་པ
38b2 དུས་མཉམ་ཡུལ་འཛིན་པ།། ཉི་ཟླ་གཟས་ཟིན་ཇི་བཞིན་དུ།། ཕྱི་ནང་གསང་བ་གསུམ་བསྟན་པ།། ཐབས་ཀྱི་ལམ་དུ་བསྟན་པ་ཡིན།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས།། ནམ་མཁའི་མཚན་ཉིད་ལ
38b3 རིག་པ་རྩལ་གྱི་དབང་བསྐུར་བའི་ལེའུ་སྟེ་བཅུ་གཅིག་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། འགྲོ་དྲུག་གཡང་ས་བཅད་པའི་ཕྱིར། རྩ་བ་སེམས་ལས
38b4 འདས་པའོ།། ཡེ་ཤེས་ངོས་བཟུང་བཀའ་སྩལ་པ།། ཀུན་གཞི་དགེ་སྡིག་རྣམ་བཞི་ལ།། ཆོས་སྐུ་ངོས་བཟུང་མཐུན་དཔེ་ནི། རྩ་ཆུ་བརྟགས་ནས་ངོས་འཛིན་པའི།། སྨན་པ་མཁས་པ་ཇི་བཞིན་དུ།། ནོར་བུ་ཆུ་འདང་དཔེ
38b5 བཞིན་དུ།། བྱང་ཆུབ་སེམས་ཀྱི་རིག་པའི་དོན།། སྔ་མའི་བག་ཆགས་ཡིད་ཡིན་ཏེ།། ཕྱི་མ་སྐྱེ་བ་ཉོན་མོངས་ཡིན།། རྟོག་པ་སྐྱེ་བ་སྒོ་ལྔ་སྟེ།། གསུམ་དུ་མ་སོང་གཉུག་མར་གནས།། དམིགས་འཛིན་མེད་ལ་ངང་གིས
38b6 གསལ།། ཡེ་ཤེས་ཟང་ཐལ་གཅིག་ཡིན་ཏེ།། རང་གི་ངོ་བོ་ཆོས་ཀྱི་སྐུ།། ཤེས་པ་རྩིས་མེད་དྲང་པོར་འཇུག། དཔེར་ན་ཟི་བྱ་ཚང་འཇུག་བཞིན།། རང་གི་སེམས་ཀྱི་ཆོས་ཉིད་ལ།། བསྒོམ་དུ་མེད་པས་བསྒོམ་པ་བྱ།། དེ
iiif viewer powered by OpenSeadragon
