| e-texts navigator |
| Wylie |
38a1 རང་བྱུང་འཆར།། དེ་དོན་ཤེས་རབ་དྲན་ཟད་ཀྱིས།། འདུས་མ་བྱས་པའི་དཔེ་ཉིད་ལ།། རང་གི་ཚད་དང་ལྡན་པ་ཡིས།། སེམས་ནི་དྲག་ཏུ་གཏད་པར་བྱ།། དཔེར་ན་གྱི་ལིང་རྟ་འདུལ་བཞིན།། རང་གི
38a2 ཤེས་པ་མ་ཡེངས་པ།། དྲག་གཞན་བར་ན་རྩོལ་བས་ནོན།། ཆད་ཟིན་དོན་ལ་གནས་པར་བྱ།། དེ་ཡང་ཁམས་དང་སྦྱར་བྱས་ལ།། ཁམས་བདེ་ཐུན་ནི་རིང་བར་བྱ།། ཡང་ན་ལངས་ལ་ཅུང་ཟད་བཅག། རྟགས་ནི་ལུས
38a3 སེམས་གཉིས་འབྱུང་སྟེ།། ལུས་ནི་འདར་དང་འཆི་མ་འབྱུང་།། སེམས་ནི་བདེ་ལ་གཏང་དཀའ་སྟེ།། རང་སེམས་རྩལ་གྱི་རྟགས་རྣམས་འབྱུང་།། རྟོག་པ་མེད་པར་གནས་པར་ནི།། བྱ་བ་བཏང་བའི་སྐྱེས་བུ
38a4 བཞིན།། ཅི་ལ་མི་གནས་རང་བཞིན་ལ།། མ་ཡེངས་གསལ་བར་ལྷུག་པར་བཞག། གདོད་ནས་ནམ་མཁའི་སྤྲིན་བཞིན་དུ།། བྱུང་ཡང་གཞི་ལ་གནོད་མེད་ལྟར།། སེམས་ཀྱི་རྩོལ་བ་འཆད་ཟིན་ན།། རྟོག་མེད་མི་སྒྲིབ
38a5 བཅོས་སུ་མེད།། དེ་ཡི་སེམས་ཉམས་བསྟན་པ་ནི།། དམིགས་པའི་དོན་ལ་སེམས་གཏད་ཀྱང་།། ཤེས་པ་གཏན་དུ་མི་ཆུད་པར།། ཡུལ་ལ་མི་རྟོག་བདེ་བར་གནས།། ཞེན་པའི་རྟོག་པ་སྐྱེས་ན་ཡང་།། བ་མོ་དག་ལ་ཉི
38a6 ཤར་བཞིན།། རྗེས་སུ་མི་འབྲངས་ལྷན་གཅིག་འགྲོ།། དེ་ཙམ་ཉིད་ན་མཚན་མ་རྣམས།། སྣང་མེད་འཁྲུལ་སྣང་ལོག་ཙ་ན།། སྣང་བཅས་དོན་ཟིན་ཏིང་འཛིན་ཉམས།། དེ་ཉིད་སོམས་པས་ལམ་དུ་བདེ།། སེམས་དཔའ
iiif viewer powered by OpenSeadragon
