| e-texts navigator |
| Wylie |
37b1 རྣམས།། རང་བྱུང་ཡེ་ཤེས་ཡང་དག་ཤར།། སྤྲོས་མེད་ངོ་བོ་ལྷུན་གྱིས་གྲུབ།། སྲིད་པ་གསུམ་ནི་རང་གི་རྐྱེན།། མ་བཅོས་རིག་པའི་ཡེ་ཤེས་ཡིན།། བཙལ་དུ་མེད་པའི་ཆོས་ཉིད་ལ།། རྒྱུ་འབྲས་གཉིས་ཀ་མྱ་ངན
37b2 འདས།། ཁམས་གསུམ་སྤྲོས་མེད་དབྱིངས་སུ་གཅིག། ཡུལ་དུ་སྣང་བ་ཐམས་ཅད་ཀྱང་།། ཡེ་ནས་དབྱེར་མེད་མཉམ་པར་གནས།། ཐམས་ཅད་རང་བྱུང་འགག་པ་མེད།། གདོད་ནས་མ་སྐྱེས་ལྷུན་གྱིས་གྲུབ།། ཐམས
37b3 ཅད་ཡེ་ནས་དབྱེར་མེད་པར།། དབྱིངས་ཉིད་ནམ་མཁའ་ལྟ་བུའི་ངང་།། དེ་ཡི་ངང་དུ་ཐམས་ཅད་འདུས།། རྒྱུ་དང་རྐྱེན་ལ་མི་ལྟོས་ཤིང་།། དུས་གསུམ་དབྱེར་མེད་མཉམ་པར་བལྟ།། དཔེར་ན་ནམ་མཁའི་ཉི་མ
37b4 བཞིན།། མ་རིག་མུན་པ་ཐམས་ཅད་འཇོམས།། དེ་ཉིད་རྟོགས་པར་བྱ་བའི་ཕྱིར།། ལྟ་བ་ཡིན་པའི་དོན་ཉིད་ལ།། མ་ནོར་རིག་པ་གཅིག་ཡིན་ཏེ།། ལྷུན་གྲུབ་འབྲས་བུ་གཅིག་ཏུ་བལྟ།། རྫོགས་པ་ཆེན་པོ་ལྟ་བ་ཐམས
37b5 ཅད་ཀྱི་སྙིང་པོ་ལས། ལྷུན་གྲུབ་ལྟ་བ་བསྟན་པའི་ལེའུ་སྟེ་བཅུ་པའོ།། །། དེ་ནས་སེམས་དཔའ་རྡོ་རྗེ་ལ།། ཀུན་རིག་སེམས་ཀྱི་རྒྱལ་པོ་ཡིས།། མཚན་མ་ཟིལ་གྱིས་གནན་པའི་ཕྱིར།། མ་རིག་མུན་པ་ལྟ་བུ
37b6 ལ།། རིག་པ་ཡེ་ཤེས་བསྟན་པའི་ཐབས།། རིག་པའི་དབང་ཆེན་བཀའ་སྩལ་པ།། དེ་ལ་དབང་གི་དཔེ་བསྟན་པ།། བྲམ་ཟེ་གཙང་མས་ཁྲུས་གསོལ་ཏེ།། རྒྱལ་སྲིད་དག་ལ་དབང་བསྐུར་བཞིན།། དོན་གྱི་སྣོད་ནང
iiif viewer powered by OpenSeadragon
