| e-texts navigator |
| Wylie |
37a1 མཚོན་པའི་དཔེ།། ནམ་མཁའ་འཇའ་ཚོན་ཇི་བཞིན་དུ།། ཡུལ་གྱི་ཐ་སྙད་མཚན་མ་རྣམས།། རང་གི་སེམས་ཀྱིས་བརྟགས་པའི་ཕྱིར།། ཕྱི་ནང་ཆོས་རྣམས་མ་ལུས་པ།། རིགས་རྒྱུད་མེད་ཕྱིར་སེམས་སུ
37a2 གཅིག། དེ་ཉིད་ལྷུན་གྱིས་གྲུབ་པ་ནི།། འགྲོ་ལ་སེམས་ཉིད་གཉིས་མེད་དེ།། ཇི་ལྟར་དམིགས་ཤིང་བསམ་པར་སྣང་།། དཔེར་ན་ཡིད་བཞིན་ནོར་བུ་བཞིན།། དེ་ནི་ལྷུན་གྲུབ་ཀུན་གྱི་གཞི།། དེ་ཡང་སེམས་དཔའ་རྡོ་རྗེ
37a3 ཁྱོད།། ཀུན་ལ་ཁྱབ་པའི་རིག་པ་ཡིས།། འདུས་མ་བྱས་པའི་དོན་རྟོགས་པས།། ཡེ་ཤེས་རིག་པ་གཅིག་ཡིན་ཏེ།། དེ་ཡང་གང་དང་གང་ཞེ་ན།། ཀུན་གཞི་མཉམ་ཉིད་རྒྱལ་བའི་ཐུགས།། མ་ལུས་སེམས་ཅན་ཐམས
37a4 ཅད་ལ།། ཆོས་སྐུ་ཁྱབ་པས་བརྡལ་བའི་སྐུ།། མཐའ་དབུས་མེད་པས་ནམ་མཁའ་འདྲ།། རིག་པས་མ་བསླད་གཉུག་མར་གནས།། འཛིན་མེད་ཤེས་པ་ངང་གིས་གསལ།། དངོས་པོ་མེད་ལ་ཤེས་པར་ཡོད།། ནམ
37a5 མཁར་ཉི་མའི་འོད་ཤར་འདྲ།། འདུས་མ་བྱས་པའི་ཡེ་ཤེས་ཀྱི།། རྟེན་འཆང་མེད་པར་ཉོན་མོངས་སེལ།། འབྱུང་བ་ལྔ་ལ་རག་མ་ལུས།། མི་འགྱུར་འཇོམས་བྱེད་རྡོ་རྗེ་འདྲ།། བླ་མས་དོན་བསྟན་རྣལ་འབྱོར་པས།། ཐེ
37a6 ཚོམ་མེད་པར་སེམས་ཉིད་རྟོགས།། ཐམས་ཅད་གཅིག་ལ་མ་འདྲེས་པ།། ཀ་ཤིའི་རས་ཀྱི་རིན་ཆེན་འདྲ།། དེ་ཡང་སེམས་དཔའ་རྡོ་རྗེ་ཁྱོད།། སྙིང་པོ་འདི་ཡི་དོན་རྟོགས་ནས།། སེམས་སུ་སྣང་བའི་མཚན་མ
iiif viewer powered by OpenSeadragon
