| e-texts navigator |
| Wylie |
36b1 གང་སྤྱོད་ཀྱང་།། ནམ་མཁའ་གཟའ་སྐར་བཙལ་མེད་བཞིན།། ཀུན་བཟང་བདེ་ཆེན་ཐབས་ཀྱི་གཙོ།། ཀུན་ཏུ་བཟང་མོ་གཉིས་མེད་མཁའ།། འདུ་འབྲལ་མེད་པའི་ཆོས་སྐུ་ནི།། བདེ་ཆེན་གཉིས་མེད་རིག་པའི
36b2 རྩལ།། ངེས་པའི་གསང་སྒོམ་ཤེས་པས།། ཀུན་བཟང་སྤྱོད་པས་དོན་མི་རྟོག། ཉི་མ་སྤྲིན་གྱིས་བསྒྲིབས་པ་འདྲ།། སེམས་ཉིད་རྩོལ་བ་མེད་པ་ལ།། བསམ་པའི་དབང་གིས་བསྒྱུར་བྱས་ནས།། འཁོར་བའི་རྒྱ་མཚོར
36b3 གཡེང་འགྱུར་ཏེ།། མི་ཤེས་པ་ལ་དེ་ལྟར་སྣང་།། རྫོགས་པ་ཆེན་པོ་ལྟ་བ་ཐམས་ཅད་ཀྱི་སྙིང་པོ་ལས། བསྐྱེད་རྫོགས་གཉིས་མེད་བསྟན་པའི་ལེའུ་སྟེ་དགུ་པའོ།། །། དེ་ནས་སེམས་དཔའ་རྡོ་རྗེ་ཡིས།། འདུས
36b4 པའི་ཚོགས་ལ་ཕན་གདགས་ཕྱིར།། ཀུན་རིག་སེམས་ཀྱི་རྒྱལ་པོ་ལ།། ཡིད་ཀྱིས་དྲན་པས་འདི་སྐད་གསོལ།། ཆོས་རྣམས་སེམས་སུ་འདུས་པ་ཡི།། ལྷུན་གྱིས་གྲུབ་པའི་ལྟ་བ་གང་།། མཚན་མ་ཟིལ་གྱིས་ཇི་ལྟར
36b5 གནན།། འགྲོ་དྲུག་གཡང་ས་ཅི་ལྟར་བཅད།། ཡེ་ཤེས་དོན་ལ་ཇི་ལྟར་བསྒོམ།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་ཚིག་གསན་ནས།། ཀུན་རིག་སེམས་ཀྱི་རྒྱལ་པོ་ཡིས།། འདུས་པའི་འཁོར
36b6 ལ་བཀའ་སྩལ་པ།། སེམས་སུ་ཆོས་རྣམས་གཅིག་པ་ལ།། འཁོར་བ་མྱ་ངན་འདས་པའི་ཆོས།། སྒྱུ་མ་རྣམ་གཉིས་སྐྲོད་ཡུལ་ཏེ།། ལོག་རྟོག་ཡེ་ཤེས་ཐ་དད་ཀྱང་།། སེམས་ཀྱི་ཆོས་ཉིད་ངང་དུ་གཅིག། དེ་ཡིས་དེ་ཉིད
iiif viewer powered by OpenSeadragon
