| e-texts navigator |
| Wylie |
363a1 གསུངས་སོ།། སྐྱེ་མེད་ཀ་དག་གི་རྒྱུད་ལས། སྐྱེ་མེད་ཀ་དག་དྲི་མེད་དངོས་མེད་ཀ་དག་ཐོབ་པའི་ལེའུ་སྟེ་བརྒྱད་པའོ།། །། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག་ཆོས་སྐུ་ལ།། རྒྱུད
363a2 འདིའི་མཚན་ནི་ཇི་ལྟར་གཟུང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གང་ཡང་མ་སྐྱེས་མཚན་མེད་ཕྱིར།། སྐྱེ་བ་མེད་པའི་རྒྱུད་དུ་ཟུང་།། མ་རིག་བག་ཆགས་ཀ་དག་ཕྱིར།། ཀ་དག་དྲི་མེད་རྒྱུད
363a3 དུ་ཟུང་།། ཤེས་མེད་འོད་གསལ་དངས་སངས་དེ།། ཡེ་ཤེས་མིག་གཅིག་དྲི་མ་དག། ཡེ་དག་ཤེལ་སྒོང་ཉི་ཟླ་བཞིན།། རྟོག་ཚོགས་སྒྲིབ་གཡོགས་ཉོན་མོངས་དག། ངང་དངས་གསལ་གདངས་རྒྱུད་དུ་ཟུང་།། སྐྱེ་མེད
363a4 ཀ་དག་ཆོས་སྐུ་ཟང་ཀར་གནས།། ཀ་དག་ཟང་ཀའི་རྒྱུད་དུ་ཟུང་།། ཞེས་གསུངས་སོ།། ཀ་དག་ཟང་ཀའི་རྒྱུད་ལས། མཚན་བསྟན་པའི་ལེའུ་སྟེ་དགུ་པའོ།། །། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག
363a5 སྟོན་པ་ལ།། རྒྱུད་འདི་གཏད་པ་གང་ལ་གཏད།། ཅེས་ཞུས་པས།། སྟོན་པས་འཁོར་ལ་བཀའ་སྩལ་པ།། རྒྱུད་འདི་གཏད་པའི་སློབ་མ་ནི།། སྨྲས་པ་མི་འགྱུར་རི་རབ་འདྲ།། དམ་ཚིག་ཤེལ་སྒོང་པདྨ་འདྲ།། རང་རྒྱུད
363a6 གླ་བྲེང་དར་དཀར་འདྲ།། ཤེས་རབ་རིག་པ་སྤུ་གྲི་རལ་གྲི་འདྲ།། བླ་མ་ལ་གུས་དགེ་སེམས་དམ་ཚིག་ལྡན།། མན་ངག་གཏེར་འཆང་འདོད་དོན་ཁར་མི་གཏང་།། དེ་ལྟ་བུ་ཡི་སློབ་མ་ལ།། སྐྱེ་མེད་ཀ་དག་རྒྱུད་འདི
363a7 གཏད།། སྣོད་མེད་དམ་མེད་ང་རྒྱལ་དྲེགས་པ་ཅན་ལ་མ་སྦྱིན་ཅིག། ཅེས་གསུངས་སོ།། སྐྱེ་མེད་ཀ་དག་ཟང་ཀའི་རྒྱུད་ལས། ཡོངས་སུ་གཏད་པའི་ལེའུ་སྟེ་བཅུ་པའོ།། །། སྐྱེ་མེད་ཀ་དག་གི་རྒྱུད་རྫོགས་སོ།། །
iiif viewer powered by OpenSeadragon
362b -
