| e-texts navigator |
| Wylie |
362b1 དང་བྲལ།། བརྗོད་དུ་ཡེ་མེད་ཆོས་རྣམས་ཟད་སར་བསྐྱལ།། ཞེས་གསུངས་སོ།། འབྲས་བུ་དངོས་མེད་ཟང་ཀ་ལ་བཟླ་ནི།། ཆོས་རྣམས་ཀ་དག་ངང་ལ་ཡེ་ནས་གནས།། གོང་བསྟན་ཀློང་དུ་གྱུར་ཅིང་དེ་ལས་མ་འདས
362b2 ཆོས།། ཐོག་མ་མེད་ནས་སྐྱེ་མེད་ཀ་ནས་དག། རེ་དོགས་ཡིད་སྨོན་བྱར་མེད་ལ་བཟླར་རང་ལ་གྲུབ།། ཅེས་འབྲས་སུ་བསྟན་པའོ།། སྐྱེ་མེད་ཀ་དག་གི་རྒྱུད་ལས།། རྟོགས་ཐབས་ཐུགས་ཀྱི་བཅུད་ཕྱུང་གི་ལེའུ་སྟེ
362b3 བདུན་པའོ།། །། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག་སྟོན་པ་ལ།། སྐྱེ་མེད་ཀ་དག་ཇི་ལྟར་ཐོབ།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྐྱེ་མེད་ཀ་དག་དང་ལ་ཐོབ་དང
362b4 མ་ཐོ་བ་མེད།། འཁོར་རྣམས་བྲོད་པ[:]བསྐྱེད་ཕྱིར་ཐོབ་ཅེས་བཤད།། མི[:]སྐྱེ་མི་འགག་སྐྱེ་མེད་དེ།། ཤེས་མེད་རང་གསལ་ཉིད་ལ་གནས།། གསལ་དངས་མ[:]གཡོས་སྐྱེ་མེད་ཀློང་དུ
362b5 གྱུར།། དེ་ཀ་ཉིད་ལ་ཐོབ་ཅེས་བཤད།། ཉོན་མོངས་ཁམས་རྣམས་ཀ་ནས་དག། སྒྲིབ་གཡོགས་མ་རིག་མུན་པ་མེད།། བག་ཆགས་ཆགས་སྡང་ཀ་ནས་དག། རང་དག་རང་གདངས་རང་སངས་སྐྱོན་སྒྲིབ་གང་ཡང
362b6 མེད།། གསལ་དག་འོད་གསལ་ཀ་དག་དྲི་མ་མེད།། གཏིང་གསལ་ཁ་གསལ་གསལ་དག་གཟུང་འཛིན་དག། དེ་བཞིན་ཉིད་དག་ཡང་དག་རྣམ་པར་དག། དེ་ལྟར་སུས་རྟོགས་ཀ་དག་ཐོབ་ཅེས་བཤད།། ཅེས
iiif viewer powered by OpenSeadragon
