| e-texts navigator |
| Wylie |
361b1 གྲོལ།། ཞེས་ཞུས་སོ།། དངོས་མེད་བཤད་ཟབས་ཀྱི་ལེའུ་སྟེ་ལྔ་པའོ།། །། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག་ཆོས་སྐུ་ལ།། ཡང་རབ་ཀ་དག་ཇི་ལྟར་རྟོགས།། ཞེས་ཞུས་པས། སྟོན་པས་འཁོར
361b2 ལ་བཀའ་སྩལ་པ།། ཡང་རབ་སྐལ་ལྡན་རྣལ་འབྱོར་གྱིས།། གོང་ལྟར་དོན་ལས་མ་གཡོས་པར།། སྐྱེ་མེད་ཀ་དག་དངོས་མེད་ཟང་ཀ་རྟོགས།། གོང་བཤད་དོན་རྣམས་སེམས་དང་འདྲེས།། རང་བྱུང་རིས་མེད་རང
361b3 སར་ཐིམ།། གསལ་སྟོང་སྣང་མེད་ཡུལ་སེམས་མེད།། འཁྲུལ་ཆོད་འཛིན་མེད་སྣང་བ་དག། ཕྱི་རོལ་ནང་དག་ཡིད་གཉིས་མེད།། ཐོལ་བྱུང་དང་དངས་ཀློང་དུ་ཐིམ།། གཉིས་སྣང་ཞེ་འདོད་བྱ་རྩོལ་ཡོངས་མི
361b4 རྟོག། ཞེས་གསུངས་སོ།། ཀ་དག་གི་རྒྱུད་ལས། ཡང་རབ་བསྟན་པའི་ལེའུ་སྟེ་དྲུག་པའོ།། །། དེ་ནས་དངོས་མེད་ཟང་ཀ་ཡིས།། སྐྱེ་མེད་ཀ་དག་ཆོས་སྐུ་ལ།། རྟོགས་ཐབས་གདམས་ངག་ཇི་ལྟར
361b5 ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། རྟོགས་ཐབས་ཐུགས་ཀྱི་བཅུད་ཕྱུང་བཤད།། དངོས་མེད་ཟང་ཀའི་ཐུགས་ལ་ཆོངས།། སྐྱེ་བ་མེད་པར་གཏན་ལ་དབབ།། ལམ་ཀ་ནས་དག་པར
361b6 གཏན་ལ་དབབ།། འབྲས་བུ་དངོས་མེད་ཟང་ཀ་ལ་ཡང་བཟླ།། གཞི་ནི་སྐྱེ་མེད་བརྗོད་འདས་ཐ་སྙད་མེད།། རྣམ་པ་གང་གིས་མིང་མ་ཐོགས།། ཐེག་པ་ཆེན་པོ་ཡི་གེ་མེད།། རྣམ་པ་ཀུན་ལྡན་རྣམ་མེད་དཔེ་ཡང
iiif viewer powered by OpenSeadragon
