| e-texts navigator |
| Wylie |
360b1 ཟང་ཀ་ཡིན།། དྲན་རྟོག་བློ་མི་སྐྱེ་ན་ཟང་ཀ་ཡིན།། རང་བྱུང་རང་དངས་རང་སངས་ཟང་ཀ་ཡིན།། འོད་གསལ་སྒྲིབ་མེད་གསལ་དངས་ཟང་ཀ་ཡིན།། ཀ་དག་དངོས་མེད་ཟང་ཀ་དེ།། ཅང་མེད་ཅིར་སྣང་དངོས་གཞི
360b2 མེད།། དངོས་མེད་ཀུན་གཞི་རང་བྱུང་སྟེ།། ཐོལ་བྱུང་དང་དངས་དང་ས་སངས་དེ།། སྟོང་གསལ་དངོས་པོ་ཅི་ཡང་མེད་སངས་དེ།། སལ་ལེ་ལྷན་ནེ་ཕྱེད་དེ་བུན་ནེའོ།། ཐ་སྙད་ཙམ་ཡིན་མཚོན་དུ་ཅི་ཡང་མེད།། མིང
360b3 མེད་མཚོན་འདས་གང་གི་དངོས་གཞི་མེད།། དེ་ལྟར་སུས་རྟོགས་ཟང་ཀ་ཡིན།། ཞེས་གསུངས་སོ།། སྐྱེ་མེད་ཀ་དག་གི་རྒྱུད་ལས།། ཟང་ཀ་མའི་དོན་བསྟན་པའི་ལེའུ་སྟེ་བཞི་པའོ།། །། དེ་ནས་དངོས་མེད
360b4 ཟང་ཀ་ཡིས།། སྐྱེ་མེད་ཀ་དག་སྟོན་པ་ཆོས་སྐུ་ལ།། དངོས་མེད་བློ་འདས་ཇི་ལྟར་བཤད།། ཅེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། དངོས་མེད་བློ་འདས་བཤད་དུ་མེད་ན་ཡང་།། ཡང་དག་ཚིག་གི
360b5 སྒྲོན་མས་སྐལ་ལྡན་འཁོར་ལ་བཤད།། བྱ་བཙལ་བློ་འདས་ཆོས་ཤིག་བཤད།། ཡུལ་སེམས་དངོས་མེད་ཆོས་ཤིག་བཤད།། ཞེ་འདོད་མེད་པའི་ཆོས་ཤིག་བཤད།། རྩོལ་བསྒྲུབ་མེད་པའི་ཆོས་ཤིག་བཤད།། མ
360b6 འདྲེས་ཡོངས་རྫོགས་ཆོས་ཤིག་བཤད།། འུབ་ཆུབ་ཆེན་པོའི་ཆོས་ཤིག་བཤད།། གསལ་དག་རང་གྲོལ་ཆོས་ཤིག་བཤད།། རང་བྱུང་རང་རིག་ཆོས་ཤིག་བཤད།། ཐོལ་བྱུང་དང་དངས་ཡུལ་མེད་ཆོས་ཤིག་བཤད།། སྐྱེ
iiif viewer powered by OpenSeadragon
